శ్రీకృష్ణదేవ నగర్లో వినాయక చవితి ఉత్సవాలకు భక్తుల అనుకరణ ప్రయాణం

ఉత్సవాలలో భాగంగా నిర్వాహకులు శుక్రవారం లడ్డూ, కలశం చెంబు మరియు డబ్బుల దండ వేలం పాటను నిర్వహించారు. ఈ వేలం పాటకు భక్తుల నుంచి విశేష స్పందన లభించింది.

ఐదు రోజుల పాటు స్వామివారి వద్ద పూజలందుకున్న లడ్డూ కోసం భక్తులు పోటీపడ్డారు. చివరకు ఆ లడ్డూను శేఖర్ రాయల్ ధర్మపత్ని రమణమ్మ, కుమారుడు ప్రణయ్ రాయల్, కుమార్తె హితిక రాయల్ రూ.1,60,000 లకు దక్కించుకున్నారు.

అదేవిధంగా కలశం చెంబును ఆవులేటి బావి, సప్న దంపతులు రూ.52,000 లకు, స్వామివారి వద్ద ఉంచిన డబ్బుల దండను సామి రూ.44,000 లకు వేలం పాటలో సొంతం చేసుకున్నారు.

అత్యధిక ధరకు లడ్డూను దక్కించుకున్న రాయల్ కుటుంబాన్ని కాలనీ వాసులు, నిర్వాహకులు అభినందించారు. లడ్డూను ప్రసాదంగా స్వీకరించడం అదృష్టంగా భావిస్తున్నామని వారు తెలిపారు.

ఈ కార్యక్రమంలో ఆర్యవైశ్య సంఘం సభ్యులు, కాలనీ వాసులు, భక్తులు పెద్ద ఎత్తున పాల్గొన్నారు.