టీటీడీ పాలకమండలి రద్దు: ముగ్గురు ప్రత్యేక అధికారుల నియామకం

1. శ్రీ ముద్దాడ రవిచంద్ర, - తిరుమల తిరుపతి దేవస్థానం ఈవో - కమిటీ ఛైర్మన్గా వ్యవహరిస్తారు. 2. శ్రీ వి. వినయ్ చంద్, - ప్రభుత్వ కార్యదర్శి, ఆర్థిక శాఖ - సభ్యుడు. 3. శ్రీ కె. కన్నబాబు, - ప్రభుత్వ కార్యదర్శి, రెవెన్యూ (దేవాదాయ) శాఖ - సభ్యుడు.

ఈ ప్రత్యేక అధికారుల కమిటీకి టీటీడీ పాలకమండలికి ఉండే అన్ని అధికారాలు ఉంటాయి. పాలకమండలి నిర్వహించాల్సిన అన్ని విధులను ఈ కమిటీ నిర్వహిస్తుంది. ఆలయ పరిపాలన, భక్తులకు సౌకర్యాలు, అభివృద్ధి పనులకు సంబంధించిన నిర్ణయాలను ఈ కమిటీ తీసుకుంటుంది.

ఈ కమిటీ పదవీకాలం ఒక సంవత్సరం పాటు లేదా నూతన పాలకమండలి ఏర్పాటు అయ్యే వరకు, ఈ రెండింటిలో ఏది ముందుగా జరిగితే అప్పటివరకు కొనసాగుతుందని ప్రభుత్వం స్పష్టం చేసింది. త్వరలోనే నూతన పాలకమండలి ఏర్పాటుపై ప్రభుత్వం నిర్ణయం తీసుకునే అవకాశం ఉందని సమాచారం.