బిగ్బాస్ 10: 53వ రోజు టాస్క్లో డాక్సిన్ టైమ్స్ ప్రత్యక్ష ప్రసారం.. రాంప్రసాద్, వర్షిణి సేఫ్

ఇదిలా ఉండగా, వర్షిణిని గ్రీన్ లెవల్కు తీసుకెళ్లి, రోహిత్ను ఎల్లో లెవల్కు మార్చాలని ముకేశ్ ప్రయత్నిస్తున్నాడని శివ, రాంప్రసాద్కు చెప్పాడు. అయితే ఈ ప్రణాళికను అంగీకరించేది లేదని రాంప్రసాద్ స్పష్టం చేశాడు.

స్నేక్స్ అండ్ ల్యాడర్స్ టాస్క్

హోటల్ టాస్క్లో భాగంగా బిగ్బాస్ కొత్తగా స్నేక్స్ అండ్ ల్యాడర్స్ ఛాలెంజ్ను ప్రవేశపెట్టారు. ఇందులో కంటెస్టెంట్లను రెండు జట్లుగా విభజించారు. ఒక్కో జట్టులో ఒక యజమాని, ఇద్దరు సిబ్బంది ఉండేలా ఏర్పాటు చేశారు. మిగిలిన సభ్యులు అతిథులుగా వ్యవహరించి పాచికలు వేయాల్సి ఉంటుంది. పాచికల్లో వచ్చిన సంఖ్యకు అనుగుణంగా పెద్ద పాచికను తిప్పి సరైన సంఖ్యను పైకి తీసుకురావాలి.

ఈ ఆటలో శివ జట్టు తరఫున రామకృష్ణ, శ్వేత పాల్గొనగా, రాంప్రసాద్ జట్టు తరఫున వంశీ, సుధీర్ ఆడారు. ఈ పోటీలో రాంప్రసాద్ జట్టు విజయం సాధించింది. దీంతో ఆయనకు అదనంగా డబ్బులు, ఒక స్టార్ లభించాయి. డబ్బులను శివకు ఇచ్చి, స్టార్ను తన దగ్గరే ఉంచుకున్నారు.

స్టార్ల వివరాలు

టాస్క్ పూర్తయిన తర్వాత కంటెస్టెంట్లకు మరోసారి స్టార్లు, డబ్బుల మార్పిడికి అవకాశం ఇచ్చారు. శివ తన స్టార్ను రాంప్రసాద్కు ఇచ్చాడు. అమన్ కూడా తన స్టార్ను ఆయనకు అందించాడు. అనంతరం బిగ్బాస్, అందరి దగ్గర ఉన్న డబ్బులు, స్టార్ల వివరాలను వెల్లడించమని కోరారు. రాంప్రసాద్ 7 పింక్ స్టార్లు, 1 గోల్డ్ స్టార్; వర్షిణి 3 పింక్ స్టార్లు, 1 గోల్డ్ స్టార్; వంశీ రూ.45 వేల నగదు; రోహిత్ రూ.30,500 నగదు; రామకృష్ణ రూ.300 నగదు; శ్వేత నగదు, స్టార్లు లేవు; సుధీర్ నగదు లేదు; శివ స్టార్లు లేవు.

నామినేషన్ల నుంచి విముక్తి

అత్యధిక స్టార్లు సాధించిన రాంప్రసాద్, వర్షిణి ఎల్లో లెవల్ నుంచి గ్రీన్ లెవల్కు చేరుకున్నారు. వీరిద్దరూ ఈ వారం నామినేషన్ల నుంచి సురక్షితంగా బయటపడ్డారు. అంతేకాకుండా టాస్క్లో గోట్ () హోదాను దక్కించుకున్నారు. మరోవైపు వంశీ రెడ్ లెవల్ నుంచి ఎల్లో లెవల్కు చేరుకున్నాడు.

ఎపిసోడ్ మొత్తం రోహిత్ డీల్స్, చర్చలతో బిజీగా కనిపించాడు. అయితే చివరికి ఒక్క స్టార్ కూడా సంపాదించలేకపోయాడు. మరోవైపు రాంప్రసాద్ తన వ్యూహాలతో ఎక్కువ స్టార్లు సాధించి పైస్థానానికి చేరుకోగా, వర్షిణి కూడా నామినేషన్ల ప్రమాదం నుంచి బయటపడింది.

మొత్తంగా 53వ రోజు ఎపిసోడ్లో పెద్ద గొడవలు లేకపోయినా, స్టార్ల కోసం జరిగిన పోటీ, కంటెస్టెంట్ల వ్యూహాలు ఆసక్తిని పెంచాయి. రాబోయే రోజుల్లో ఎవరు సురక్షితంగా ఉంటారు ఎవరు ఇంటి నుంచి బయటకు వెళ్తారన్నది ఉత్కంఠగా మారింది.