నంద్యాలలో సీఎం రిలీఫ్ ఫండ్ చెక్కులు: 22 లక్షలు అందజేత

ఈ సందర్భంగా ఎన్ఎండి ఫిరోజ్ మాట్లాడుతూ, ఎక్కువ ఆక్సిడెంట్స్, అనారోగ్య కారణాల వల్ల వచ్చే వారికి ఆరోగ్యం విషయంలో అజాగ్రత్త వహించకుండా జాగ్రత్తలు వహించాలని, ప్రమాదాలు జరగకుండా తగు జాగ్రత్తలు తీసుకోవాలని సూచించారు. పేద ప్రజలు ఏదైనా ప్రమాదంలో ప్రాణాపాయ స్థితిలో ఉన్నా, లేదా ఆరోగ్య పరంగా ప్రాణాల మీదకు వచ్చినప్పుడు అత్యవసరంగా ఆపరేషన్లకు కావల్సిన డబ్బులు లేకపోయినా, వారి స్థోమతకు మించి ఖర్చు చేయాల్సి వచ్చినప్పుడు మంత్రి ఫరూక్ కి విన్నవించుకున్న సందర్భంలో వారి ఆవేదన విని, అప్పటికప్పుడు దగ్గరుండి సీఎం రిలీఫ్ ఫండ్ కు దరఖాస్తు చేయించారన్నారు.

అలా పేదవారి ఆపరేషన్ల ఖర్చుకు సంబంధించి ముఖ్యమంత్రి సహాయ నిధి నుంచి 22 మంది బాధిత కుటుంబ సభ్యులకు వచ్చిన 22 లక్షల 13 వేల 716 రూపాయలను చెక్కుల రూపంలో నంద్యాల టిడిపి జిల్లా ప్రధాన కార్యదర్శి ఎన్ఎండి ఫిరోజ్ క్యాంపు కార్యాలయంలో బాధిత కుటుంబ సభ్యులకు అందజేశారు.

ఈ సందర్భంగా నంద్యాల నియోజకవర్గంలో కూటమి ప్రభుత్వం అధికారం చేపట్టిన అతి కొద్ది కాలంలోనే 3 కోట్ల 52 లక్షల రూపాయలను 477 మందికి సీఎం రిలీఫ్ ఫండ్ రూపంలో బాధిత కుటుంబ సభ్యులకు అందజేయడం జరిగిందని ఫిరోజ్ తెలియజేశారు.

ఈ కార్యక్రమంలో డైరెక్టర్లు దస్తగిరి, సురేష్ కుమార్, మూలమట్టం చైర్మన్ పసుపులేటి నారాయణ, గోవింద నాయుడు, మండ్ల గుర్రప్ప, పెద్ద కొట్టాల రాజేష్, జాకీర్, ఓబుల్ రెడ్డి, వీర సింహారెడ్డి, చెన్నయ్య మరియు వార్డు ఇన్చార్జిలు, టిడిపి నాయకులు, కార్యకర్తలు, అభిమానులు తదితరులు పాల్గొన్నారు.