ఉత్తరప్రదేశ్లోని ఘజియాబాద్లో వసుంధర పోలీస్ ఔట్పోస్ట్ వద్ద శుక్రవారం రాత్రి జరిగిన పేలుడు కలకలం రేపింది. ఈ ఘటనలో పోలీస్ ఔట్పోస్ట్ కిటికీల అద్దాలు ధ్వంసమవగా, గోడకు పగుళ్లు ఏర్పడ్డాయి. ఆ సమయంలో అక్కడికి వచ్చిన ఒక ఫుడ్ డెలివరీ ఉద్యోగి గాజు ముక్కలు తగిలి స్వల్పంగా గాయపడ్డాడు.
శుక్రవారం రాత్రి సుమారు 9 గంటల సమయంలో ఇంద్రాపురం పోలీస్ స్టేషన్ పరిధిలోని వసుంధర పోలీస్ ఔట్పోస్ట్ వెనుక భాగంలో ఈ పేలుడు సంభవించింది. ఘటన జరిగిన సమయంలో అక్కడ ఓ సబ్ ఇన్స్పెక్టర్, డెలివరీ ఉద్యోగి ఉన్నట్లు అధికారులు తెలిపారు. గాయపడిన డెలివరీ ఉద్యోగిని ఆసుపత్రికి తరలించి చికిత్స అందించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పేలుడు పదార్థాల ఆనవాళ్లు లభించలేదు: డీసీపీ
ప్రాథమిక తనిఖీల్లో ఘటనాస్థలంలో పేలుడు పదార్థాలు, గన్పౌడర్ లేదా రసాయన అవశేషాలు లభించలేదని డీసీపీ రిజుల్ కుమార్ వెల్లడించారు. అయితే పేలుడుకు అసలు కారణం ఏమిటనేది ఇంకా నిర్ధారణ కాలేదని ఆయన తెలిపారు. ఫోరెన్సిక్ బృందాలు సేకరించిన నమూనాలను పరీక్షలకు పంపించారు.
