PMAY-U 2.0: 2.88 లక్షల గృహాలకు కేంద్రం ఆమోదం

ప్రధాన్ మంత్రి ఆవాస్ యోజన - పట్టణ 2.0 (PMAY-U 2.0) పథకం కింద 2.88 లక్షలకు పైగా గృహ నిర్మాణాలకు ప్రభుత్వం ఆమోదం తెలిపింది. న్యూఢిల్లీలో జరిగిన 6వ కేంద్ర ఆమోదం మరియు పర్యవేక్షణ కమిటీ (CSMC) సమావేశంలో ఈ నిర్ణయం వెలువడింది.

కేంద్ర ప్రభుత్వం పట్టణ ప్రాంతాల్లో గృహవసతి కల్పన లక్ష్యంగా అమలు చేస్తున్న ప్రధాన్ మంత్రి ఆవాస్ యోజన - పట్టణ 2.0 పథకం కింద మరో 2.88 లక్షల గృహాలకు ఆమోదం లభించింది. ఈ మేరకు నిన్న న్యూఢిల్లీలో జరిగిన 6వ కేంద్ర ఆమోదం మరియు పర్యవేక్షణ కమిటీ (CSMC) సమావేశంలో ఈ కీలక నిర్ణయం తీసుకున్నారు.

ఈ సమావేశంలో, వివిధ రాష్ట్రాలు మరియు కేంద్రపాలిత ప్రాంతాల నుంచి సమర్పించిన గృహ నిర్మాణ ప్రతిపాదనలను కమిటీ సభ్యులు క్షుణ్ణంగా పరిశీలించారు. అర్హులైన లబ్ధిదారులకు గృహాలను అందించడానికి అవసరమైన ఆర్థిక వనరులను కేటాయించేందుకు మార్గం సుగమం అయింది.