మణుగూరు,మండలం,చిన్నరాయిగూడెం,బ్యూరో,ద్రాద్రి,మండలం:, మణుగూరు మండలం,మణుగూరు,,నవంబర్ను,పరిశీలించిన,జిల్లాంలో,కొనసాగుతున్న

మణుగూరు మండలం చిన్నరాయిగూడెం గ్రామంలో కొనసాగుతున్న భూముల రీసర్వే ప్రక్రియను భద్రాద్రి కొత్తగూడెం జిల్లా కలెక్టర్ అంకిత్ ఐఏఎస్ మంగళవారం పరిశీలించారు. ఈ సందర్భంగా గ్రామ పరిధిలోని భూముల వివరాలు, రీసర్వే పురోగతిపై సంబంధిత అధికారులను అడిగి తెలుసుకున్నారు.

గ్రామ పరిధిలో మొత్తం 1,395 ఎకరాల భూమి ఉండగా, అందులో 554 ఎకరాలు అటవీ భూమిగా ఉన్నాయని అధికారులు కలెక్టర్కు వివరించారు. భూములకు సంబంధించిన సమస్యలను పాత రికార్డులు, అందుబాటులో ఉన్న ఆధారాలను పరిశీలించి, ప్రభుత్వ నిబంధనలకు అనుగుణంగా పరిష్కరించాలని అధికారులను ఆదేశించారు.

అనంతరం గ్రామస్తులతో కలెక్టర్ మాట్లాడి వారి సమస్యలను తెలుసుకున్నారు. ప్రధానంగా తాగునీరు, విద్యుత్, రహదారులు, మొబైల్ నెట్వర్క్ వంటి మౌలిక సదుపాయాల కొరత గురించి గ్రామస్తులు వివరించారు.

మారుమూల గ్రామాల ప్రజలకు ప్రభుత్వ సంక్షేమ పథకాలు అందించడంతో పాటు, అవసరమైన మౌలిక సదుపాయాలు కల్పించేందుకు ప్రత్యేక చర్యలు తీసుకోవాలని అధికారులకు సూచించారు.

అధికారులకు సూచనలు

రెవెన్యూ, అటవీ శాఖ అధికారులు సమన్వయంతో పనిచేస్తూ భూముల రీసర్వే ప్రక్రియను వేగవంతం చేయాలని, డిసెంబర్ నెలాఖరులోగా రీసర్వే పూర్తి చేయాలని కలెక్టర్ స్పష్టం చేశారు. గ్రామాల్లో భూ సమస్యల పరిష్కారానికి అధికారులు సమన్వయంతో పనిచేయాలని ఆదేశించారు.