బైండ్ ఓవర్ ఉల్లంఘుంచున రౌడీషీటర్ కు కు 14 రోజల జైల శు్ష

ఈ క్రమంలో, బైండ్ ఓవర్ నిబంధనలు ఉల్లంఘించిన ఒక రౌడీషీటర్కు 14 రోజుల జ్యుడీషియల్ కస్టడీ విధిస్తూ ఉత్తర్వులు జారీ అయ్యాయి. బైండ్ ఓవర్ నిబంధనలను ఉల్లంఘించే వారికి చట్టపరమైన చర్యలు తప్పవనే విషయాన్ని ఈ చర్య స్పష్టం చేస్తుందని పోలీసులు తెలిపారు.

కేసు వివరాలు

రేణిగుంట మండలానికి చెందిన రెడ్డిపల్లి ఇబ్రహీం కలీల్ షేక్ ఇమామ్ (29) పై రేణిగుంట పోలీస్ స్టేషన్లో మూడు, గాజులమండ్యం పోలీస్ స్టేషన్లో ఒక కేసు ఉండటంతో రౌడీషీట్ తెరవబడింది. నేరప్రవృత్తికి దూరంగా ఉండి సత్ప్రవర్తనతో జీవించే అవకాశం కల్పించడంతో పాటు శాంతిభద్రతలను కాపాడే ఉద్దేశంతో, రేణిగుంట డీఎస్పీ గారి సూచనల మేరకు రేణిగుంట పోలీస్ స్టేషన్ ఇన్స్పెక్టర్ శ్రీ ఎస్. జయచంద్ర 20-07-2026న సదరు వ్యక్తిని రేణిగుంట మండల ఎగ్జిక్యూటివ్ మేజిస్ట్రేట్ ఎదుట బైండ్ ఓవర్ చేయించారు.

అయితే, బైండ్ ఓవర్లో ఉన్నప్పటికీ 15-09-2026 అర్ధరాత్రి బుగ్గ వీధిలో మద్యం సేవించి, వినాయక విగ్రహం వద్ద పాటలు పెట్టాలంటూ అక్కడి వారితో గొడవకు దిగినట్లు విచారణలో నిర్ధారణ కావడంతో అతనిపై కేసు నమోదు చేశారు. బైండ్ ఓవర్ నిబంధనలను ఉల్లంఘించినందుకు సదరు వ్యక్తిని 26-09-2026న రేణిగుంట మండల ఎగ్జిక్యూటివ్ మేజిస్ట్రేట్ శ్రీ శ్రావణ్ కుమార్ ఎదుట హాజరుపరిచారు. విచారణ అనంతరం 14 రోజుల జ్యుడీషియల్ కస్టడీకి ఆదేశిస్తూ ఉత్తర్వులు జారీ చేశారు.

పోలీసుల హెచ్చరిక

బైండ్ ఓవర్ వంటి నిరోధక చర్యలను ఉల్లంఘించే రౌడీషీటర్లు, పునరావృత నేరస్థులు, శాంతిభద్రతలకు విఘాతం కలిగించే వ్యక్తులపై చట్ట ప్రకారం కఠిన చర్యలు కొనసాగుతాయని జిల్లా పోలీసులు స్పష్టం చేశారు. ప్రజల ప్రశాంత జీవనానికి భంగం కలిగించే చర్యలను ఎట్టి పరిస్థితుల్లోనూ ఉపేక్షించబోమని తెలిపారు. నేరాలకు పాల్పడే వారిని చట్టం ముందు నిలబెట్టడంలో ఎలాంటి ఒత్తిళ్లు, ప్రభావాలకు తావులేకుండా చట్ట ప్రకారం చర్యలు తీసుకుంటామని స్పష్టం చేశారు. ప్రజల సహకారంతో భద్రమైన, ప్రశాంతమైన వాతావరణాన్ని కొనసాగించడమే తిరుపతి జిల్లా పోలీసుల లక్ష్యమని తెలిపారు.