జాతీయ ఐక్యతా వేడుకల్లో కామారెడ్డి ప్రతిభ.. ఏక్తా దివస్ పరేడ్లో 19 మంది సభ్యుల బృందం

మంగళవారం బృంద సభ్యులు జిల్లా ఎస్పీని మర్యాదపూర్వకంగా కలిసి, ఈ అవకాశాన్ని కల్పించి ప్రోత్సహించిన జిల్లా కలెక్టర్ ఆశిష్ సంగ్వాన్, ఎస్పీలకు కృతజ్ఞతలు తెలిపారు.

ఈ సందర్భంగా ఎస్పీ మాట్లాడుతూ.. దేశ ఐక్యత, సమగ్రత, సార్వభౌమత్వ పరిరక్షణ కోసం సర్దార్ వల్లభాయ్ పటేల్ చేసిన కృషి ప్రతి ఒక్కరికీ స్ఫూర్తిదాయకమని అన్నారు. జాతీయ ఐక్యతా భావాన్ని పెంపొందించే కార్యక్రమాల్లో యువత, విద్యార్థులు, ప్రజలు భాగస్వాములు కావడం అభినందనీయమని ఆయన తెలిపారు. ఏక్తా దివస్ పరేడ్ను ప్రత్యక్షంగా వీక్షించడం, వేడుకల్లో పాల్గొనడం ద్వారా దేశ వైవిధ్యం, ఐక్యతపై అవగాహన పెంపొందించుకునే అవకాశం లభించిందని ఆయన తెలిపారు.

19 మంది సభ్యుల బృందానికి నోడల్ అధికారిగా రిజర్వ్ ఇన్స్పెక్టర్ ఎన్. కృష్ణ గౌడ్ వ్యవహరించారు. పర్యటనలో సమన్వయం, కార్యక్రమాల నిర్వహణలో బాధ్యతాయుతంగా వ్యవహరించి పర్యటనను విజయవంతం చేసినందుకు ఆయనను ఎస్పీ ప్రత్యేకంగా అభినందించారు.

ఈ కార్యక్రమంలో నరేందర్ రెడ్డి, రాజిరెడ్డి, ఎస్. సంతోష్, ఏక నితిన్ గౌడ్, రోహిత్, ప్రభాస్, సాధన, రజిత, బి. సూరజ్, లక్ష్మి, దీప, రాధ, సుబ్బారావు, నరేందర్, లింగారెడ్డి, రాంగోపాల్ రెడ్డి, రాజ్ కుమార్ తదితర బృంద సభ్యులు పాల్గొన్నారు.