2026 ఆసియా క్రీడల్లో భారత బ్యాడ్మింటన్ క్రీడాకారులు మిశ్రమ ఫలితాలు సాధించారు. మహిళల సింగిల్స్లో పీవీ సింధు, ఉన్నతి హుడా, పురుషుల సింగిల్స్లో ఆయుష్ శెట్టి తదుపరి రౌండ్కు దూసుకెళ్లగా, లక్ష్య సేన్ రెండో రౌండ్లోనే టోర్నీ నుంచి నిష్క్రమించాడు.
రెండుసార్లు ఒలింపిక్ పతక విజేత పీవీ సింధు, చైనీస్ తైపీకి చెందిన చియు పిన్-చియన్పై 21-19, 21-14 తేడాతో వరుస గేముల్లో విజయం సాధించింది. తొలి గేమ్లో గట్టి పోటీ ఎదురైనప్పటికీ, రెండో గేమ్లో సింధు ఆధిపత్యం ప్రదర్శించి మ్యాచ్ను సొంతం చేసుకుంది. తదుపరి రౌండ్లో జపాన్కు చెందిన టొమోకా మియాజాకితో సింధు తలపడనుంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఆయుష్ శెట్టి కూడా అద్భుత ప్రదర్శనతో ముందంజ వేశాడు. కజకిస్థాన్కు చెందిన మఖ్సుత్ తజిబుల్లాయెవ్ను 21-7, 21-7 తేడాతో ఓడించి ప్రీ-క్వార్టర్ఫైనల్కు చేరుకున్నాడు. తదుపరి మ్యాచ్లో మూడో సీడ్ చైనీస్ తైపీ ఆటగాడు చౌ తియన్-చెన్తో ఆయుష్ తలపడనున్నాడు.
