స్టోర్ బియ్యం అక్రమ రవాణాపై కఠిన చర్యలు: మానవ హక్కుల పరిరక్షణ సమితి

జిల్లాలో ముఖ్యంగా జమ్మలమడుగు, ప్రొద్దుటూరు, మైదుకూరు, ఎర్రగుంట్ల, బద్వేల్, ప్రాంతాల్లో ఉన్న రైస్ మిల్లులపై పౌరసరఫరాల శాఖ, విజిలెన్స్ అధికారులు ప్రత్యేక తనిఖీలు నిర్వహించాలని ఆయన విజ్ఞప్తి చేశారు. ప్రభుత్వ బియ్యం అక్రమ నిల్వలు, కొనుగోళ్లు, పాలిషింగ్ ప్రక్రియ, ఇతర రాష్ట్రాలకు తరలింపులపై సమగ్రంగా దర్యాప్తు చేయాలన్నారు.

అక్రమాలకు పాల్పడినట్లు ఆధారాలతో నిర్ధారణ అయిన మిల్లుల యజమానులపై చట్టప్రకారం కఠిన చర్యలు తీసుకోవాలని పేర్కొన్నారు. పేద ప్రజల సంక్షేమం కోసం ప్రభుత్వం అందించే బియ్యం పక్కదారి పట్టకుండా చూడాల్సిన బాధ్యత అధికారులపై ఉందన్నారు.

ఈ అక్రమ రవాణా వెనుక ఉన్న వ్యక్తులు, మధ్యవర్తులు, సంబంధిత మిల్లుల పాత్రపై లోతైన విచారణ జరపాలని డిమాండ్ చేశారు. అక్రమాలకు పాల్పడినట్లు తేలితే బాధ్యులపై క్రిమినల్ కేసులు నమోదు చేసి, వర్తించే చట్టాల ప్రకారం కఠిన చర్యలు తీసుకోవాలని, తద్వారా పేదలకు అందాల్సిన బియ్యం సక్రమంగా అందేలా చూడాలని ఆయన ప్రభుత్వాన్ని కోరారు.