విజయనగరం జిల్లాలో విద్యుత్ శాఖ సహాయ ఇంజినీర్ (ఏఈ) లలిత కుమారి హత్య కేసును పోలీసులు ఛేదించారు. భార్యపై అనుమానంతో ఆమె భర్త గుడివాడ సీతారామరాజు ఈ హత్యకు పాల్పడినట్లు పోలీసులు వెల్లడించారు. హత్యను రోడ్డు ప్రమాదంగా చిత్రీకరించి తప్పించుకోవాలని ప్రయత్నించినట్లు దర్యాప్తులో తేలింది.
రాజాం మున్సిపాలిటీ పరిధిలోని కొండంపేటకు చెందిన లలిత కుమారికి సీతారామరాజుతో 2003లో వివాహమైంది. ఆమె 2017లో విద్యుత్ శాఖలో ఉద్యోగం సాధించి వివిధ ప్రాంతాల్లో విధులు నిర్వహించారు. సహోద్యోగులతో ఆమెకున్న పరిచయాలపై భర్త అనుమానం పెంచుకున్నాడని పోలీసుల కథనం. ఈ విషయమై దంపతుల మధ్య తరచూ గొడవలు జరిగేవని అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
విధుల కారణంగా లలిత కుమారికి బదిలీలు జరగడం, కొన్ని సందర్భాల్లో ఇంటికి ఆలస్యంగా రావడం వంటి విషయాలపై సీతారామరాజు ప్రశ్నించేవాడని పోలీసులు పేర్కొన్నారు. భార్యపై అనుమానం పెంచుకున్న అతడు ఆమెను హత్య చేయాలని ముందుగానే పథకం వేసుకున్నట్లు దర్యాప్తులో వెల్లడైందని తెలిపారు.
