హైదరాబాద్లో విశ్రాంత ఐపీఎస్ అధికారి భార్య హత్య, దోపిడీ కేసులో పోలీసులు కీలక పురోగతి సాధించారు. నేపాల్కు చెందిన ముఠా సభ్యుల కోసం నెలల తరబడి గాలింపు చేపట్టిన పోలీసులు, మరో నలుగురు నిందితులను అరెస్టు చేశారు. ఈ అరెస్టులతో కేసులో ఇప్పటివరకు పోలీసులకు చిక్కిన నిందితుల సంఖ్య ఐదుకు చేరింది.
ఈ కేసు దర్యాప్తు కోసం హైదరాబాద్ పోలీసులు ఒక ప్రత్యేక సిట్ను ఏర్పాటు చేశారు. టాస్క్ఫోర్స్, జూబ్లీహిల్స్ పోలీసుల సమన్వయంతో నిందితుల కదలికలపై నిఘా పెట్టారు. బెంగళూరు, ముంబై, పుణె, సూరత్, పాట్నా, ఢిల్లీ, లక్నో, ఉత్తరాఖండ్ తదితర ప్రాంతాల్లో గాలింపు చేపట్టారు. భారత్నేపాల్ సరిహద్దు సమీపంలోనూ బృందాలు మకాం వేసి సమాచారాన్ని సేకరించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇంతకుముందు పుణెలో మరో ఇద్దరిని పోలీసులు అరెస్టు చేశారు. వారి వద్ద నుంచి చోరీకి గురైన బంగారంలో 26 గ్రాములను స్వాధీనం చేసుకున్నట్లు వెల్లడించారు. తాజా అరెస్టులతో కలిపి మొత్తం ఐదుగురు నిందితులు పోలీసుల అదుపులో ఉండగా, మరో నలుగురు పరారీలో ఉన్నట్లు అధికారులు తెలిపారు.
