బాలీవుడ్ సీనియర్ నటి అరుణా ఇరానీ (80) తన భర్త, ప్రముఖ దర్శకుడు కుకూ కోహ్లీ మరణించిన రెండు నెలల తర్వాత తిరిగి పనిలోకి వచ్చారు. తన కష్టకాలంలో అండగా నిలిచిన అభిమానులకు ఆమె భావోద్వేగంతో కృతజ్ఞతలు తెలిపారు. అభిమానులు చూపించిన ప్రేమ, మద్దతే మళ్లీ పని ప్రారంభించేందుకు తనకు ధైర్యాన్ని ఇచ్చాయని వెల్లడించారు.
అరుణా ఇరానీ తన ఇన్స్టాగ్రామ్లో ఓ వీడియోను పంచుకున్నారు. భర్త మరణం తర్వాత తనకు లభించిన ఆదరణ గురించి మాట్లాడుతూ భావోద్వేగానికి గురయ్యారు. కుకూ కోహ్లీ మరణం తర్వాత అభిమానులు చూపించిన ప్రేమకు ఎంతో కృతజ్ఞురాలినని ఆమె చెప్పారు. జీవితంలో అత్యంత కష్టమైన సమయంలో ఇంతమంది తనకు అండగా నిలుస్తారని ఊహించలేదని ఆమె అన్నారు. అభిమానుల ప్రేమ, ప్రోత్సాహంతోనే తిరిగి పని ప్రారంభించగలిగానని ఆమె తెలిపారు. తన జీవితంలోని చివరి శ్వాస వరకు ఇదే ప్రేమను అందించాలని ఆమె అభిమానులను కోరారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రముఖ హిందీ చిత్రాల దర్శకుడు కుకూ కోహ్లీ న గుండెపోటుతో 77 ఏళ్ల వయసులో మరణించారు. ముంబైలో ఆయన అంత్యక్రియలు నిర్వహించారు. ఆ సమయంలో అరుణా ఇరానీ తీవ్ర భావోద్వేగానికి గురయ్యారు. కుటుంబ సభ్యులు, స్నేహితులు ఆమెకు అండగా నిలిచారు. కుకూ కోహ్లీకి బాలీవుడ్లో ప్రత్యేక గుర్తింపు ఉంది. అజయ్ దేవగణ్ హీరోగా పరిచయమైన ఫూల్ ఔర్ కాంటే చిత్రానికి ఆయన దర్శకత్వం వహించారు. సుహాగ్, హఖీఖత్, కోహ్రామ్, అనారీ నంబర్ 1 వంటి సినిమాలు కూడా ఆయన దర్శకత్వంలో రూపొందాయి.
