బాలీవుడ్ నటుడు సిద్ధాంత్ చతుర్వేది నటిస్తున్న కొత్త చిత్రం బోలో బోలో బోలో యూకేలో షూటింగ్ పూర్తి చేసుకుంది. దర్శకుడు వికాస్ బహల్ తెరకెక్కిస్తున్న ఈ సినిమాలో అలిజే అగ్నిహోత్రి, జిమ్మీ షెర్గిల్, మోనా సింగ్ కీలక పాత్రల్లో నటిస్తున్నారు. చిత్రీకరణ పూర్తయిన విషయాన్ని నిర్మాణ సంస్థ సోషల్ మీడియా ద్వారా వెల్లడించింది.
1990ల నాటి బ్రిటన్ నేపథ్యంలో ఈ సినిమా కథ సాగుతుంది. అప్పట్లో బ్రిటన్లో పంజాబీ సంగీతం ఎలా ప్రత్యేక గుర్తింపు తెచ్చుకుంది, సంప్రదాయ పంజాబీ సంగీతం ఆధునిక బీట్లతో కలిసిన తీరు యువతపై ఎలాంటి ప్రభావం చూపింది అనే అంశాలను కథలో చూపించనున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సంగీతంతో పాటు స్నేహం, కుటుంబ బంధాలు, వ్యక్తిత్వం, సంస్కృతి వంటి అంశాలకు కూడా సినిమాలో ప్రాధాన్యత ఇచ్చినట్లు చిత్రబృందం వెల్లడించింది.
