పశ్చిమాసియాలో యుద్ధ ఉద్రిక్తతలు కొనసాగుతున్న వేళ కీలకమైన హార్ముజ్ జలసంధిలో మరోసారి నౌకల భద్రతపై ఆందోళనలు వ్యక్తమవుతున్నాయి. నిర్దేశిత మార్గాలను ఉల్లంఘించి ప్రయాణించేందుకు ప్రయత్నించిన రెండు చమురు ట్యాంకర్లు, ఒక టగ్బోట్లో మంటలు చెలరేగినట్లు ఇరాన్ ఇస్లామిక్ రివల్యూషనరీ గార్డ్ కార్ప్స్ () ప్రకటించింది.
ఇరాన్ అధికారిక వర్గాల సమాచారం ప్రకారం, హార్ముజ్ జలసంధిలో నిర్దేశించిన మార్గాలను ఉల్లంఘించి ప్రయాణించేందుకు ప్రయత్నించిన నౌకల్లో ఈ ఘటన చోటుచేసుకుంది. అయితే నౌకల పేర్లు, వాటికి జరిగిన నష్టం, సిబ్బంది పరిస్థితిపై పూర్తి వివరాలు ఇంకా వెల్లడికాలేదు. ఈ ప్రకటనను స్వతంత్రంగా ధృవీకరించే సమాచారం కూడా ప్రస్తుతానికి అందుబాటులో లేదు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రపంచ చమురు రవాణాకు కీలక మార్గం
హార్ముజ్ జలసంధి ప్రపంచ చమురు రవాణాలో అత్యంత కీలకమైన సముద్ర మార్గం. ఈ ప్రాంతంలో నౌకల రాకపోకలకు అంతరాయం ఏర్పడితే అంతర్జాతీయ చమురు సరఫరా, ధరలపై ప్రభావం పడే అవకాశం ఉంది. ఇప్పటికే యుద్ధం కారణంగా ఈ ప్రాంతంలో నౌకాయానంపై ఆంక్షలు, భద్రతాపరమైన ఆందోళనలు పెరిగాయి.
