పశ్చిమాసియాలోని జోర్డాన్లో దారుణ ఘటన చోటుచేసుకుంది. కరాక్ గవర్నరేట్లోని హమూద్ గ్రామంలో ఉన్న గ్రీకు ఆర్థడాక్స్ చర్చిలో అంత్యక్రియలు జరుగుతున్న సమయంలో సాయుధ దుండగులు కాల్పులకు తెగబడ్డారు. ఈ ఘటనలో ఏడుగురు ప్రాణాలు కోల్పోగా, సుమారు 40 మంది గాయపడినట్లు అధికారులు వెల్లడించారు.
ఈ ఘటనలో పలువురికి తీవ్ర గాయాలయ్యాయి. క్షతగాత్రులను సమీపంలోని ఆసుపత్రులకు తరలించి చికిత్స అందిస్తున్నారు. గాయపడిన వారిలో కొందరి పరిస్థితి విషమంగా ఉన్నట్లు వార్తా కథనాలు పేర్కొన్నాయి. ఈ దాడిని జోర్డాన్ అధికారులు ఉగ్రవాద చర్యగా అభివర్ణించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
దుండగుల కోసం గాలింపు
దుండగులు ఎవరు, దాడికి గల కారణాలేమిటి, వారికి ఏదైనా ఉగ్రవాద సంస్థతో సంబంధాలున్నాయా అనే అంశాలు ఇంకా స్పష్టంగా తెలియలేదు. ఘటనకు బాధ్యత వహిస్తూ ఇప్పటివరకు ఏ సంస్థా ప్రకటన చేయలేదు. నిందితులను గుర్తించి పట్టుకునేందుకు భద్రతా బలగాలు గాలింపు చర్యలు చేపట్టాయి. చర్చికి సంబంధించిన నిఘా కెమెరా దృశ్యాల్లో ముగ్గురు సాయుధ వ్యక్తులు కాల్పులు జరిపి చర్చి ప్రవేశద్వారం వైపు కదులుతున్నట్లు కనిపించినట్లు అంతర్జాతీయ వార్తా సంస్థలు తెలిపాయి.
