రాజేష్ శుక్రవారం పోలసు కార్యాలజిల్లాలో డఐజ సన్ ప్రత్ సమక్ష: గారు నిజిల్లాత్రణ, భద్రతపై కలక సూచనలు

నేరాల నియంత్రణపై దృష్టి

అనంతరం డీఐజీ శ్రీ సన్ ప్రీత్ సింగ్ మాట్లాడుతూ, కొన్ని పోలీస్ స్టేషన్ల పరిధిలో కొన్ని రకాల నేరాలు తగ్గగా, మరికొన్ని నేరాల్లో పెరుగుదల కనిపిస్తున్నందున సంబంధిత అధికారులు నేరాల పెరుగుదలకు గల కారణాలను విశ్లేషించి, ఫోకసింగ్ అప్రోచ్తో నివారణ చర్యలు చేపట్టాలని సూచించారు. నేరాల నియంత్రణలో భాగంగా పాత నేరస్తుల కదలికలపై నిరంతరం నిఘా ఉంచాలని, వారి నివాస ప్రాంతాలకు వెళ్లి పరిసర ప్రాంతాల ప్రజలతో మాట్లాడి వారి కార్యకలాపాలపై నిఘా ఉంచాలని సూచించారు. నేరాలు ఎక్కువగా నమోదవుతున్న ప్రాంతాలను గుర్తించి, ఆయా ప్రాంతాల్లో కమ్యూనిటీ పోలీసింగ్ను మరింత బలోపేతం చేయాలని తెలిపారు.

రోడ్డు భద్రత, గంజాయి నిర్మూలన

రోడ్డు ప్రమాదాల నివారణపై ప్రత్యేక దృష్టి సారించాలని సూచిస్తూ, ప్రమాదం జరిగిన ప్రతి ప్రాంతాన్ని అధికారులు స్వయంగా సందర్శించి, ప్రమాదానికి గల కారణాలను క్షేత్రస్థాయిలో పరిశీలించాలని తెలిపారు. ప్రమాదాలు పునరావృతం కాకుండా అవసరమైన ట్రాఫిక్ నియంత్రణ, రోడ్డు భద్రతా చర్యలను సంబంధిత శాఖల సమన్వయంతో చేపట్టాలని సూచించారు. ముఖ్యంగా గంజాయి నిర్మూలనపై ప్రత్యేక దృష్టి సారించాలని, గంజాయికి బానిసైన వ్యక్తులను గుర్తించి డీ-అడిక్షన్కు అవసరమైన చర్యలు చేపట్టడంతో పాటు, గంజాయి సరఫరా, రవాణా వ్యవస్థను గుర్తించి మూలాలను ఛేదించే విధంగా పటిష్ట చర్యలు తీసుకోవాలని సూచించారు.

సైబర్ నేరాలు, సీసీటీవీల ఏర్పాటు

ప్రజలను తీవ్రంగా ప్రభావితం చేస్తున్న సైబర్ నేరాలపై ముందస్తు జాగ్రత్తలు, సాంకేతిక భద్రతా చర్యలపై విస్తృత అవగాహన కార్యక్రమాలు నిర్వహించాలని తెలిపారు. పోలీస్ అధికారులు, సిబ్బంది నిజాయితీగా, ధైర్యంగా విధులు నిర్వహిస్తూ నేరాల నివారణలో 100 శాతం కఠినంగా, సమర్థవంతంగా పనిచేయాలని సూచించారు. ప్రజల భద్రతను మరింత పటిష్టం చేసేందుకు సీసీటీవీ కెమెరాల ఏర్పాటు విస్తృతంగా చేపట్టాలి.

5 విధానం, జూద కార్యకలాపాలపై ఆదేశాలు

పోలీస్ స్టేషన్లలో పరిశుభ్రత, క్రమబద్ధీకరణ కోసం 5 విధానాన్ని అమలు చేయాలని, సిబ్బంది విధి నిర్వహణలో మరింత సమర్థవంతంగా పనిచేసేలా నిరంతరం మోటివేట్ చేయాలని తెలిపారు. అలాగే గుట్కా, మట్కా, అక్రమ గేమింగ్, ఇతర జూద కార్యకలాపాలను ఎట్టి పరిస్థితుల్లోనూ కొనసాగనివ్వకుండా పటిష్టమైన చర్యలు తీసుకోవాలని అధికారులను ఆదేశించారు.

డీఎస్పీ కార్యాలయం తనిఖీ

అనంతరం వార్షిక తనిఖీలో భాగంగా కామారెడ్డి డీఎస్పీ కార్యాలయం సందర్శించి కార్యాలయ పరిశుభ్రత, రికార్డులు, కేసు ఫైల్స్ తదితరాలను డీఐజీ గారు పరిశీలించి కేసుల దర్యాప్తు విషయంలో అధికారులకు పలు సూచనలు చేశారు.

అధికారుల భాగస్వామ్యం

ఈ కార్యక్రమంలో కామారెడ్డి ఎస్పీ అడ్మిన్ కే. నరసింహారెడ్డి, కామారెడ్డి డీఎస్పీ మధుసూదన్, ఎల్లారెడ్డి డీఎస్పీ శ్రీనివాసరావు, బాన్సువాడ డీఎస్పీ విట్టల్ రెడ్డితో పాటు జిల్లాలోని సీఐలు, ఎస్సైలు మరియు ఇతర పోలీసు అధికారులు అందరూ పాల్గొన్నారు.