ప్రపంచ పర్యాటక దినోత్సవాన్ని పురస్కరించుకుని తెలంగాణ పర్యాటక శాఖ ఆధ్వర్యంలో శనివారం హైదరాబాద్లో ప్రత్యేక కార్యక్రమం నిర్వహించనున్నారు. శిల్పారామంలోని సంప్రదాయ వేదికలో జరిగే ఈ కార్యక్రమానికి తెలంగాణ ముఖ్యమంత్రి ఎ. రేవంత్ రెడ్డి హాజరుకానున్నారు. ఈ వేడుకలు సాయంత్రం 4 గంటల నుంచి ప్రారంభం కానున్నాయి.
ప్రపంచవ్యాప్తంగా పర్యాటక దినోత్సవాన్ని నిర్వహిస్తారు. ఈ కార్యక్రమాన్ని ప్రత్యక్ష ప్రసారం ద్వారా వీక్షించే అవకాశం కూడా కల్పించారు. తెలంగాణ పర్యాటక శాఖ ఆధ్వర్యంలో నిర్వహిస్తున్న ఈ వేడుకలకు సంబంధించిన ఏర్పాట్లు శిల్పారామంలో పూర్తయ్యాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
పర్యాటక రంగం ద్వారా పెట్టుబడులు, ఉపాధి అవకాశాలను పెంచడంతో పాటు తెలంగాణలోని చారిత్రక, సాంస్కృతిక, ప్రకృతి పర్యాటక ప్రాంతాలను మరింతగా ప్రోత్సహించడంపై ప్రభుత్వం దృష్టి సారిస్తోంది. తెలంగాణ పర్యాటక విధానం 202530లో రాష్ట్రంలోని చారిత్రక ప్రదేశాలు, జలపాతాలు, హస్తకళలు, బౌద్ధ పర్యాటక ప్రాంతాలు తదితరాలను పర్యాటక సర్క్యూట్లుగా అభివృద్ధి చేసే అంశాలకు ప్రాధాన్యం ఇవ్వబడింది.
