స్థానిక సంస్థల ఎన్నికల సందర్భంగా రాష్ట్రంలోని పలు ప్రాంతాల్లో అక్రమాలు, దాడులు, బెదిరింపులు చోటుచేసుకుంటున్నాయని వైఎస్సార్సీపీ అధినేత, మాజీ ముఖ్యమంత్రి వైఎస్ జగన్మోహన్రెడ్డి ఆరోపించారు. ఎన్నికల ప్రక్రియలో అధికార పార్టీ నేతలు జోక్యం చేసుకుంటూ, ప్రతిపక్ష అభ్యర్థులను భయభ్రాంతులకు గురిచేస్తున్నారని ఆయన విమర్శించారు.
పులివెందుల మున్సిపాలిటీలో మొత్తం 80 పోలింగ్ కేంద్రాలు ఉండగా, 70 కేంద్రాల్లో వైఎస్సార్సీపీ పోలింగ్ ఏజెంట్లను అనుమతించలేదని జగన్ ఆరోపించారు. తమ పార్టీ ఏజెంట్లను కొందరు బలవంతంగా బయటకు పంపించారని, వారి అనుమతి పత్రాలను చించివేశారని తెలిపారు. ఓటర్లను భయపెట్టడం, ఓటర్ స్లిప్పులను లాక్కోవడం, దొంగ ఓట్లు వేయడం వంటి ఘటనలు చోటుచేసుకున్నాయని ఆయన ఆరోపించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రీపోలింగ్కు డిమాండ్
ఈ ఘటనలపై ఫిర్యాదు చేసేందుకు బాధిత పోలింగ్ ఏజెంట్లతో కలిసి రిటర్నింగ్ అధికారి కార్యాలయానికి వెళ్లినట్లు జగన్ తెలిపారు. తొలుత అధికారులు లోపలికి అనుమతించకపోవడంతో కార్యాలయం ఎదుట పార్టీ నేతలు, కార్యకర్తలతో కలిసి నిరసనకు దిగారు. అనంతరం రిటర్నింగ్ అధికారికి వినతిపత్రం అందజేసి, పులివెందులలోని 80 పోలింగ్ కేంద్రాల్లోనూ తిరిగి ఎన్నికలు నిర్వహించాలని కోరారు.
