ఆంధ్రప్రదేశ్లో స్థానిక సంస్థల ఎన్నికల నేపథ్యంలో అధికార తెలుగుదేశం పార్టీ నేతలు, కార్యకర్తలు బెదిరింపులకు, దాడులకు పాల్పడుతున్నారని వైఎస్సార్సీపీ తీవ్ర ఆరోపణలు చేసింది. నామినేషన్ల నుంచి పోలింగ్ వరకు తమ అభ్యర్థులు, కార్యకర్తలపై దాడులు జరిగాయని, ఎన్నికల ప్రక్రియను స్వేచ్ఛగా నిర్వహించడంలో అధికారులు, పోలీసులు విఫలమయ్యారని విమర్శించింది.
రాష్ట్రంలోని మున్సిపల్ ఎన్నికల సందర్భంగా పులివెందుల, జమ్మలమడుగు, మాచర్ల, తాడిపత్రి, చిత్తూరు వంటి పలు ప్రాంతాల్లో ఘర్షణలు చోటుచేసుకున్నాయి. పోలింగ్ కేంద్రాల్లోకి తమ ఏజెంట్లను అనుమతించకుండా అడ్డుకున్నారని వైఎస్సార్సీపీ నేతలు ఆరోపించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పులివెందులలో 80 పోలింగ్ కేంద్రాలకు గాను 70 కేంద్రాల్లో తమ ఏజెంట్లను బయటకు పంపించారని మాజీ ముఖ్యమంత్రి, వైఎస్సార్సీపీ అధినేత వైఎస్ జగన్మోహన్రెడ్డి ఆరోపించారు. ఈ నేపథ్యంలో అక్కడ రీపోలింగ్ నిర్వహించాలని ఆయన డిమాండ్ చేశారు.
