తమిళనాడులో పాఠశాల విద్యార్థుల కోసం రాష్ట్ర ప్రభుత్వం కీలక నిర్ణయం తీసుకుంది. ఇకపై వారంలో ఐదు రోజులు క్రీడలు ఆడేందుకు అవకాశం కల్పించనున్నట్లు పాఠశాల విద్యాశాఖ మంత్రి రాజ్మోహన్ ప్రకటించారు. ఈ మేరకు సవరించిన పాఠశాల కాలపట్టికను ఆయన విడుదల చేశారు. ఇది విద్యార్థుల శారీరక, మానసిక వికాసానికి దోహదపడుతుందని భావిస్తున్నారు.
రాష్ట్ర పాఠ్యప్రణాళికను అనుసరించే పాఠశాలల్లో ఈ కొత్త నిబంధనలు అమలులోకి వస్తాయి. కొత్త కాలపట్టిక ప్రకారం, 1 నుంచి 10వ తరగతి వరకు చదివే విద్యార్థులకు వారంలో మూడు శారీరక విద్య తరగతులు తప్పనిసరిగా ఉంటాయి. 11, 12వ తరగతుల విద్యార్థులకు వారంలో రెండు రోజులు శారీరక విద్య తరగతులు నిర్వహించాలి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మిగిలిన రెండు రోజులు ఇతర పాఠ్యేతర, సహపాఠ్య కార్యక్రమాలకు కేటాయించినప్పటికీ, అవసరాన్ని బట్టి వాటిని కూడా క్రీడల కోసం ఉపయోగించుకోవచ్చు. దీంతో విద్యార్థులకు వారంలోని ఐదు రోజులూ ఆటలు ఆడే అవకాశం లభించనుంది. ఇది విద్యార్థుల సమగ్ర వికాసానికి తోడ్పడుతుందని విద్యాశాఖ అధికారులు తెలిపారు.
