కడపలో వైకాపా విస్తృత సమావేశం - కూటమి వైఫల్యాలను ప్రజల్లోకి తీసుకెళ్తాం: అంజాద్ బాషా

కడప ఎమ్మెల్యే గొప్పలు చెప్పుకోవడం తప్ప అభివృద్ధికి చేసిందేమీ లేదని మాజీ డిప్యూటీ సీఎం అంజాద్ బాషా తీవ్రంగా విమర్శించారు. కూటమి ప్రభుత్వం అధికారంలోకి వచ్చి రెండున్నరేళ్లు పూర్తవుతున్నా కడప అభివృద్ధికి ఎన్ని నిధులు తీసుకొచ్చారో వివరించాలని డిమాండ్ చేశారు.

షామిరియా, లా కాలేజీ వద్ద బ్రిడ్జిని ఆరు నెలల్లో పూర్తి చేస్తామని హామీ ఇచ్చి మూడేళ్లు గడిచినా పూర్తి కాలేదని ఎద్దేవా చేశారు. తాను పదేళ్లు ఎమ్మెల్యేగా ఉన్నప్పుడు వ్యాపారుల నుంచి కమిషన్లు తీసుకున్న దాఖలాలు లేవని, ప్రస్తుత ఎమ్మెల్యే వ్యాపారస్తులను ఇబ్బందులకు గురిచేస్తున్నారని ఆరోపించారు.

అక్రమ కేసులకు కార్యకర్తలు భయపడాల్సిన అవసరం లేదని, పార్టీ అండగా ఉంటుందని అంజాద్ బాషా భరోసా ఇచ్చారు. ఈ కార్యక్రమంలో మాజీ కార్పొరేటర్లు, జిల్లా నాయకులు పెద్ద సంఖ్యలో పాల్గొన్నారు.