సీఈసీ జ్ఞానేశ్ కుమార్ తొలగింపు డిమాండ్: కడపలో నిరసన

ఈ సందర్భంగా జిల్లా కార్యదర్శి చంద్రశేఖర్, నగర కార్యదర్శి రామ్మోహన్ మాట్లాడుతూ ఎన్నికల సంఘం విశ్వసనీయతను జ్ఞానేశ్ కుమార్ ప్రశ్నార్థకం చేశారని ఆరోపించారు. మెజారిటీ నిర్ణయానికి భిన్నంగా కేంద్ర పాలకుల రాజకీయ ప్రయోజనాల కోసం వ్యవహరించడం ప్రజాస్వామ్యానికి ప్రమాదకరమని అన్నారు.

ఓటర్ల నమోదుపై విమర్శలు

దేశవ్యాప్తంగా జరుగుతున్న ప్రత్యేక ఓటర్ల సవరణ () సుమారు 13 కోట్ల మంది ఓటు హక్కును ప్రమాదంలో పడేసిందని, కొత్త ఓటర్ల నమోదు, ఓట్ల జాబితా భద్రత వంటి అంశాల్లో కమిషనర్లు సందు, జోషి అభ్యంతరాలు వ్యక్తం చేసినా ఏకపక్షంగా నిర్ణయాలు తీసుకున్నారని విమర్శించారు. గత పది నెలల్లో 14 సార్లు అభ్యంతరాలు వ్యక్తమయ్యాయని, ఇద్దరు కమిషనర్లు ప్రధాన కార్యదర్శికి ఫిర్యాదు చేయడమే ప్రమాద తీవ్రతకు నిదర్శనమన్నారు.

బీజేపీ గెలుపు కోసమేనని ఆరోపణ

ఎన్నికల సంఘం బీజేపీ గెలుపు కోసం పనిచేస్తోందని, ఓటర్లు పాలకులను ఎన్నుకోవడం కాకుండా పాలకులే ఓటర్లను ఎన్నుకునేలా ప్రక్రియ సాగుతోందని ఆరోపించారు.

రాజ్యాంగబద్ధ సంస్థను నిర్వీర్యం చేస్తున్న సీఈసీని తొలగించకపోతే పెద్ద ఎత్తున పోరాటాలు చేస్తామని హెచ్చరించారు.