వ్యవసాయ ఉత్పత్తులు విక్రయించి వచ్చిన నగదును బ్యాంకులో జమ చేసిన రైతుకు ఆదాయపు పన్ను శాఖ నోటీసులు జారీ చేసింది. అయితే, ఆ నగదు వ్యవసాయ ఆదాయమేనని నిరూపించడంతో బెంగళూరు ఆదాయపు పన్ను అప్పీలేట్ ట్రిబ్యునల్ (ఐటీఏటీ) రైతుకు అనుకూలంగా తీర్పు ఇచ్చింది.
బెంగళూరు గ్రామీణ ప్రాంతానికి చెందిన రామచంద్రబాబు అనే రైతుకు 4 ఎకరాల 4 గుంటల వ్యవసాయ భూమి ఉంది. ఆయన పండ్లు, కూరగాయలు సాగు చేసి, దొడ్డబళ్లాపురం ఏపీఎంసీ మార్కెట్లో విక్రయించేవారు. ఈ విక్రయాల ద్వారా వచ్చిన నగదును ఎస్బీఐ ఖాతాలో జమ చేశారు. అయితే, ఆయన ఆదాయపు పన్ను రిటర్న్లో ఈ లావాదేవీల వివరాలు లేకపోవడంతో అధికారులు అనుమానం వ్యక్తం చేశారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
అధికారుల అభ్యంతరాలు
రైతు వాదనను ఆదాయపు పన్ను అధికారి అంగీకరించలేదు. భూమి రికార్డుల్లో పంటల వివరాలు లేవని, వ్యవసాయ ఖర్చులకు సంబంధించిన బిల్లులు సమర్పించలేదని అధికారులు పేర్కొన్నారు. గత, తదుపరి రిటర్నుల్లోనూ వ్యవసాయ ఆదాయం చూపలేదని అభ్యంతరం వ్యక్తం చేస్తూ, నగదు మొత్తాన్ని వివరణ లేని ఆదాయంగా పరిగణించారు.
