రాష్ట్రంలో మహిళా సాధికారతకు సంబంధించి చంద్రబాబు నాయుడు ప్రభుత్వం అమలు చేస్తున్న హామీలపై వై.ఎస్. జగన్ మోహన్ రెడ్డి తన ఫేస్బుక్ ఖాతా ద్వారా పలు ప్రశ్నలు లేవనెత్తారు. ఎన్నికల ముందు ఇచ్చిన హామీలను నెరవేర్చడంలో ప్రభుత్వం విఫలమైందని ఆయన ఆరోపించారు.
వై.ఎస్. జగన్ మోహన్ రెడ్డి తన ఫేస్బుక్ పోస్ట్లో, చంద్రబాబు నాయుడు ప్రభుత్వం మహిళలకు ఇచ్చిన హామీలను అమలు చేయడంలో విఫలమైందని, మూడు రోజులుగా మూడు డ్రామాలు ఆడిందని ఆరోపించారు. మహిళా సాధికారత అనే పదం పలికే అర్హత చంద్రబాబుకు ఉందా అని ఆయన ప్రశ్నించారు. సూపర్ సిక్స్, సూపర్ సెవెన్ లో భాగంగా మహిళలకు నెలకు రూ.1,500 చొప్పున ఇస్తామని చెప్పిన హామీని అమలు చేయలేదని, దీనికి గాను రూ.54 వేల చొప్పున బాకీ పడ్డారని పేర్కొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
50 ఏళ్లు దాటిన మహిళలకు నెలకు రూ.4,000 చొప్పున ఇస్తామన్న హామీని కూడా నెరవేర్చలేదని, దీనికి రూ.1.44 లక్షలు బాకీ పడ్డారని జగన్ తెలిపారు. బడికి వెళ్లే పిల్లలకు తల్లికి వందనం కింద రూ.15,000 ఇస్తామన్న హామీని కూడా మొదటి ఏడాది పూర్తిగా, రెండో ఏడాది కొంతమందికి ఎగగొట్టారని ఆరోపించారు. ఉచిత గ్యాస్ సిలిండర్ల హామీలోనూ మోసాలు జరిగాయని, రూ.6,143 కోట్లు బాకీ పడ్డారని పేర్కొన్నారు.
