భద్రాద్రి కొత్తగూడెం జిల్లాలో బీఆర్ఎస్ అంతర్గత విభేదాలు మరోసారి తెరపైకి వచ్చాయి. అశ్వారావుపేట మాజీ ఎమ్మెల్యే, సీనియర్ నేత తాటి వెంకటేశ్వర్లు బీఆర్ఎస్ కు రాజీనామా చేశారు. పార్టీ కార్యక్రమంలో తనకు జరిగిన అవమానమే రాజీనామాకు కారణమని ఆయన ఆరోపించారు.
కొత్తగూడెంలో జరిగిన నల్గొండ, వరంగల్, ఖమ్మం పట్టభద్రుల ఎమ్మెల్సీ ఎన్నికల సన్నాహక సమావేశంలో తన పేరు ఆహ్వాన పత్రికలో లేకపోవడంతో పాటు, వేదికపైకి కూడా ఆహ్వానించలేదని తాటి వెంకటేశ్వర్లు పేర్కొన్నారు. దీనిపై ప్రశ్నించిన సమయంలో ఎంపీ వద్దిరాజు రవిచంద్ర, ఎమ్మెల్సీ తక్కెళ్లపల్లి రవీందర్ తనతో దురుసుగా వ్యవహరించారని ఆయన ఆరోపించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తన అనుచరులు, కార్యకర్తల సమక్షంలో అవమానించడంతో తీవ్ర మనస్తాపానికి గురైనట్లు తెలిపారు. అయితే పార్టీ అధినేత కేసీఆర్, వర్కింగ్ ప్రెసిడెంట్ కేటీఆర్, మాజీ మంత్రి హరీశ్రావుపై తనకు గౌరవం ఉందని తాటి వెంకటేశ్వర్లు స్పష్టం చేశారు. తన అసంతృప్తి జిల్లా స్థాయి నాయకుల వ్యవహారశైలిపైనేనని ఆయన వెల్లడించారు.
