డాక్సిన్ టైమ్స్: చక్కెర మిల్లుల ప్రైవేటీకరణపై రైతుల ఆందోళన

ఆంధ్రప్రదేశ్లో సహకార చక్కెర మిల్లులను ప్రైవేటు సంస్థలకు అప్పగించే ప్రభుత్వ చర్యలపై చెరకు రైతులు తీవ్ర ఆవేదన వ్యక్తం చేస్తున్నారు. మూతపడిన కర్మాగారాలను పునరుద్ధరించాల్సిన ప్రభుత్వం, వాటి ఆస్తులను విక్రయించే ప్రయత్నం చేస్తోందని రైతు సంఘాలు విమర్శిస్తున్నాయి.

సహకార రంగంలో కొనసాగుతున్న చక్కెర మిల్లులను ప్రభుత్వం ప్రైవేటు సంస్థలకు అప్పగించే దిశగా చర్యలు తీసుకుంటోందన్న విమర్శలు వినిపిస్తున్నాయి. మూతపడిన చక్కెర కర్మాగారాలను పునరుద్ధరించి రైతులకు అండగా నిలవాల్సిన ప్రభుత్వం.. యంత్రాలు పాతబడిపోయాయనే కారణాన్ని చూపుతూ వాటి ఆస్తులను విక్రయించే ప్రయత్నం చేస్తోందని రైతు సంఘాలు ఆవేదన వ్యక్తం చేస్తున్నాయి.

ఇటీవల విజయనగరం జిల్లాలోని భీమసింగి సహకార చక్కెర కర్మాగారాన్ని రద్దు చేసే ప్రతిపాదనపై రైతులు ఆందోళన వ్యక్తం చేశారు. ఈ కర్మాగారంలో రైతుల వాటాతో పాటు ప్రభుత్వ పెట్టుబడులు కూడా ఉన్నాయని వారు చెబుతున్నారు. కర్మాగారం పునరుద్ధరణకు చర్యలు తీసుకోవాలని డిమాండ్ చేస్తున్నారు.