సాధారణంగా పోటీ అంటే పరుగులు, ఆటలు, ప్రతిభ ప్రదర్శన గుర్తుకొస్తాయి. కానీ జపాన్లో మాత్రం ఇందుకు పూర్తి భిన్నంగా నిద్రపోవడానికే ఓ పోటీ నిర్వహించారు. మ్యాట్ రేస్ పేరుతో నిర్వహించిన ఈ వినూత్న పోటీలో గాఢంగా, ప్రశాంతంగా నిద్రపోయిన వారికి బహుమతులు అందించారు. విజేతకు భారత కరెన్సీలో సుమారు రూ.12 లక్షల బహుమతి లభించింది.
టోక్యోలో జరిగిన ఈ పోటీలో డజన్ల కొద్దీ మంది పాల్గొన్నారు. పోటీదారులందరికీ సౌకర్యవంతమైన పరుపులు ఏర్పాటు చేసి, తక్కువ వెలుతురు ఉన్న గదిలో 90 నిమిషాల పాటు విశ్రాంతి తీసుకునే అవకాశం కల్పించారు. అయితే, ఇది సాధారణంగా నిద్రపోయే కార్యక్రమం కాదు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రతి పోటీదారుడి తలకు నిద్రను పర్యవేక్షించే పరికరాలను అమర్చారు. ఎవరు ఎంత త్వరగా నిద్రలోకి జారుకున్నారు, ఎంత గాఢంగా నిద్రపోయారు, నిద్ర ఎంత స్థిరంగా కొనసాగింది వంటి అంశాలను పరిగణనలోకి తీసుకుని విజేతను నిర్ణయించారు.
