ముఖ్యమంత్రి రేవంత్ రెడ్డి చేసిన వ్యాఖ్యలకు నిరసనగా నిర్మల్ జిల్లా భైంసా పట్టణంలో బీజేపీ, బీజేవైఎం నాయకులు రాస్తారోకో నిర్వహించారు. ప్రధాని నరేంద్ర మోదీ, హిందూ దేవుళ్లపై సీఎం చేసిన వ్యాఖ్యలు అభ్యంతరకరమని ఆరోపిస్తూ, వెంటనే క్షమాపణ చెప్పాలని డిమాండ్ చేశారు.
జిల్లా భైంసా పట్టణంలో ముఖ్యమంత్రి రేవంత్ రెడ్డి వ్యాఖ్యలకు నిరసనగా బీజేపీ, బీజేవైఎం నాయకులు రాస్తారోకో నిర్వహించారు. భైంసా ప్రధాన కూడలిలో రోడ్డుపై బైఠాయించిన నాయకులు, కార్యకర్తలు సీఎం రేవంత్ రెడ్డి, కాంగ్రెస్ ప్రభుత్వానికి వ్యతిరేకంగా నినాదాలు చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రధాని నరేంద్ర మోదీ, హిందూ దేవుళ్లపై సీఎం రేవంత్ రెడ్డి చేసిన వ్యాఖ్యలు అభ్యంతరకరంగా ఉన్నాయని బీజేపీ నాయకులు ఆరోపించారు. ఇటీవల ఓ జాతీయ ఛానెల్కు ఇచ్చిన ఇంటర్వ్యూలో రేవంత్ రెడ్డి చేసిన వ్యాఖ్యలను వారు ప్రస్తావించారు. రాముడు ధనికుల దేవుడు, శివుడు పేదల దేవుడు అన్నట్లుగా వ్యాఖ్యానించడం హిందూ మనోభావాలను దెబ్బతీసేలా ఉందని బీజేపీ నేతలు పేర్కొన్నారు.
