డేటింగ్ యాప్ ద్వారా పరిచయమైన వ్యక్తిని అత్యాచారం కేసులో ఇరికిస్తానని బెదిరించి దాదాపు రూ.90 లక్షలు వసూలు చేసిన ఆరోపణలపై 24 ఏళ్ల మహిళను గురుగ్రామ్ పోలీసులు అరెస్టు చేశారు. మరో రూ.50 వేల కోసం ఆమెను కలిసిన సమయంలో పోలీసులు పన్నిన వలలో చిక్కింది. నిందితురాలి బ్యాంకు ఖాతాలో ఉన్న సుమారు రూ.95 లక్షలను పోలీసులు నిలిపివేశారు.
పోలీసుల వివరాల ప్రకారం, పశ్చిమ బెంగాల్కు చెందిన సూర్యదితా దాస్ అనే యువతికి, ఫిర్యాదుదారుడికి సుమారు మూడేళ్ల క్రితం ఓ ఆన్లైన్ డేటింగ్ యాప్ ద్వారా పరిచయం ఏర్పడింది. తొలుత ఇద్దరూ ఆన్లైన్లో మాట్లాడుకున్నారు. అనంతరం ఫోన్ నంబర్లు మార్చుకుని ప్రత్యక్షంగా కలుసుకోవడం ప్రారంభించారు. కొంతకాలం తర్వాత యువతి తనను బెదిరిస్తూ డబ్బులు డిమాండ్ చేయడం ప్రారంభించిందని బాధితుడు పోలీసులకు ఫిర్యాదు చేసినట్లు అధికారులు తెలిపారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తనకు డబ్బులు ఇవ్వకపోతే తనపై అత్యాచారం కేసు పెడతానని, కుటుంబ సభ్యులకు కూడా హాని చేస్తానని యువతి బెదిరించినట్లు ఫిర్యాదులో పేర్కొన్నాడు. ఈ బెదిరింపులకు భయపడి బాధితుడు విడతల వారీగా భారీ మొత్తంలో డబ్బులు చెల్లించినట్లు పోలీసులు తెలిపారు. సుమారు రూ.6065 లక్షలు నగదు రూపంలో, మరో రూ.1015 లక్షలు బ్యాంకు లావాదేవీల ద్వారా చెల్లించినట్లు దర్యాప్తులో వెల్లడైంది. మొత్తం సుమారు రూ.90 లక్షలు వసూలు చేసినప్పటికీ, మరింత డబ్బు కోసం ఆమె ఒత్తిడి కొనసాగించినట్లు పోలీసులు తెలిపారు.
