హైదరాబాద్లో మన్మోహన్ సింగ్ విగ్రహావిష్కరణ.. డాక్సిన్ టైమ్స్ లో గచ్చిబౌలిలో స్మారక పార్క్ ఏర్పాటు

అనంతరం ప్రధానమంత్రిగా పనిచేసిన సమయంలో విద్యా హక్కు, సమాచార హక్కు, గ్రామీణ ఉపాధి హామీ, ఆహార భద్రత తదితర రంగాల్లో ఆయన తీసుకొచ్చిన చట్టాలను సీఎం ప్రస్తావించారు.

తెలంగాణ ఏర్పాటు విషయంలోనూ మన్మోహన్ సింగ్ పాత్రను సీఎం ప్రస్తావించారు. రాష్ట్ర ఏర్పాటు బిల్లుపై అప్పటి ప్రధానమంత్రి మన్మోహన్ సింగ్ చేసిన సంతకాన్ని స్మారక పార్క్లో భద్రపరిచినట్లు తెలిపారు. తెలంగాణ రాష్ట్ర ఏర్పాటు కోసం సాగిన దీర్ఘకాల పోరాటానికి చివరి దశలో మన్మోహన్ సింగ్ ప్రధానమంత్రిగా ఉన్నారని పేర్కొన్నారు.

అలాగే డాక్టర్ మన్మోహన్ సింగ్కు మరణానంతరం భారతరత్న ఇవ్వాలని కేంద్ర ప్రభుత్వాన్ని సీఎం రేవంత్రెడ్డి కోరారు. ఢిల్లీలో ఆయన జ్ఞాపకార్థం ప్రత్యేక విజ్ఞాన కేంద్రాన్ని ఏర్పాటు చేయాలని కూడా విజ్ఞప్తి చేశారు. ఈ అంశాలను తెలంగాణ ఎంపీలు పార్లమెంట్లో ప్రస్తావించాలని సీఎం కోరారు.

ఫైనాన్షియల్ డిస్ట్రిక్ట్లో మన్మోహన్ సింగ్ విగ్రహాన్ని ఏర్పాటు చేయడం ద్వారా ఆయన ఆర్థిక విధానాలు, ప్రజాసేవ, దేశాభివృద్ధికి చేసిన కృషిని భవిష్యత్ తరాలకు గుర్తుచేసే అవకాశం ఉంటుందని ప్రభుత్వం తెలిపింది.