తెలంగాణ మాజీ ఆర్థిక మంత్రి, బీఆర్ఎస్ ఎమ్మెల్యే టి. హరీశ్ రావు రాష్ట్ర ప్రభుత్వం ప్రవేశపెట్టిన 2024-25 బడ్జెట్ను 'బడా జూటా బడ్జెట్', 'బోగస్ బడ్జెట్' అంటూ తీవ్రంగా విమర్శించారు. ఎన్నికల హామీల అమలు, రైతులు, మహిళల సంక్షేమం, ఆర్థిక పరిస్థితిపై ఆయన ప్రభుత్వంపై నిప్పులు చెరిగారు.
అసెంబ్లీ మీడియా పాయింట్ వద్ద మీడియాతో మాట్లాడిన హరీశ్ రావు, కాంగ్రెస్ ప్రభుత్వం ఆరు గ్యారెంటీలను ఈ బడ్జెట్తో పూర్తిగా పక్కన పెట్టిందని, వాటికి "ఘోరీ కట్టిందని" ఆరోపించారు. గత బడ్జెట్లో ఆరు గ్యారెంటీల కోసం కేటాయించిన రూ. 53,196 కోట్లను ఈసారి రూ. 50,713 కోట్లకు తగ్గించడాన్ని ఆయన ఎత్తి చూపారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
మహాలక్ష్మి పథకం కింద మహిళలకు నెలకు రూ. 2,500 ఆర్థిక సహాయం, రైతు భరోసా వంటి అంశాలపై బడ్జెట్లో స్పష్టత లేదని విమర్శించారు. రైతుబంధు/రైతు భరోసా నిధుల చెల్లింపులో జాప్యంపై ప్రభుత్వం బహిరంగ క్షమాపణ చెప్పాలని డిమాండ్ చేశారు. సన్నవడ్లకు బోనస్ చెల్లింపుపై ప్రభుత్వం అబద్ధాలు చెబుతోందని, నిరూపిస్తే రాజీనామా చేస్తానని సవాల్ విసిరారు.
రాష్ట్ర ఆర్థిక పరిస్థితిపై ఆందోళన వ్యక్తం చేసిన హరీశ్ రావు, మూడేళ్లు నిండకముందే కాంగ్రెస్ ప్రభుత్వం రూ. 3.50 లక్షల కోట్ల అప్పులు చేసిందని ఆరోపించారు. రాష్ట్ర అప్పుల భారం జీఎస్డీపీలో 28% నుండి 29%కి పెరిగిందని, ఇది ఆర్థిక పతనానికి సంకేతమని పేర్కొన్నారు. రాష్ట్ర వృద్ధి రేటు కూడా 12.5% నుండి 10.7%కి పడిపోయిందని గణాంకాలతో విమర్శించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
బడ్జెట్ కేవలం కాగితాలపైనే పెరిగిందని, ప్రజలకు ఒరిగేదేమీ లేదని ఆయన ఎద్దేవా చేశారు. పెన్షన్ల పెంపు, నిరుద్యోగ భృతి, ఆర్టీసీ, సింగరేణి కార్మికుల ప్రయోజనాలపై బడ్జెట్లో స్పష్టత కొరవడిందని విమర్శించారు. సీఎం పర్యటనలపై "చోర్ మోడల్" అంటూ ఘాటు వ్యాఖ్యలు చేశారు. మొత్తంగా, ఈ బడ్జెట్ ప్రజలకు చూపించిన "రిక్త హస్తం" అని హరీశ్ రావు అభివర్ణించారు.
