బాలలపై లైంగిక నేరాల నిరోధక చట్టం (పోక్సో) కింద నమోదయ్యే కేసుల్లో సుప్రీంకోర్టు కీలకమైన స్పష్టత ఇచ్చింది. చట్టంలోని 29వ అధికరణం ప్రకారం నిందితుడిపై ఉండే చట్టబద్ధమైన అనుమానం స్వయంచాలకంగా లేదా అంతిమంగా ఉండదని, దాన్ని నిందితుడు సాక్ష్యాలతో తిరస్కరించేందుకు అవకాశం ఉంటుందని కోర్టు స్పష్టం చేసింది.
అయితే ఆ అనుమానం అమల్లోకి రావాలంటే ముందుగా అభియోగ పక్షం కేసుకు సంబంధించిన ప్రాథమిక వాస్తవాలను నిరూపించాల్సి ఉంటుందని తెలిపింది. న్యాయమూర్తులు ప్రశాంత్ కుమార్ మిశ్రా, ఎన్.వి. అంజారియాలతో కూడిన ధర్మాసనం ఒక వ్యక్తికి విధించిన పదేళ్ల కఠిన కారాగార శిక్షను రద్దు చేసింది. ఈ కేసులో బాలికపై లైంగిక దాడి ఆరోపణలతో పాటు బాలికను అక్రమంగా తీసుకెళ్లిన నేరం కింద కూడా శిక్ష విధించారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
సాక్ష్యాధారాల లోపం, శిక్ష రద్దు
విచారణలో సాక్షుల వాంగ్మూలాల్లో ముఖ్యమైన వ్యత్యాసాలు ఉన్నాయని, వైద్య పరీక్షలు, శాస్త్రీయ ఆధారాలు కూడా అభియోగానికి అనుకూలంగా లేవని సుప్రీంకోర్టు గుర్తించింది. దీంతో నిందితుడిపై ఉన్న ఆరోపణలు సందేహానికి అతీతంగా నిరూపించబడలేదని పేర్కొంటూ అతడిని నిర్దోషిగా విడుదల చేయాలని ఆదేశించింది.
