జపాన్లోని ఐచినగోయాలో జరుగుతున్న 2026 ఆసియా పారా క్రీడల్లో భారత అథ్లెట్లు అద్భుత ప్రదర్శన కొనసాగిస్తున్నారు. పురుషుల షాట్పుట్ ఎఫ్46 విభాగంలో సచిన్ సర్జేరావ్ ఖిలారీ స్వర్ణ పతకం సాధించగా, మహమ్మద్ యాసర్ రజతం, ప్రవీణ్ కాంస్యం గెలుచుకున్నారు. దీంతో ఈ విభాగంలో మూడు పతకాలూ భారత ఆటగాళ్లకే దక్కాయి.
బుధవారం జరిగిన ఈ పోటీలో సచిన్ తన చివరి ప్రయత్నంలో 15.87 మీటర్ల దూరం బంతిని విసిరి క్రీడల రికార్డును నెలకొల్పాడు. పోటీ ఆరంభం నుంచే నిలకడగా రాణించిన సచిన్, చివరి ప్రయత్నంలో ఈ ఘనత సాధించాడు. గతంలో ఈ విభాగంలో ఉన్న 15.67 మీటర్ల రికార్డును అధిగమించాడు. గత ఆసియా పారా క్రీడల్లోనూ స్వర్ణం సాధించిన సచిన్, ఈసారి కూడా తన టైటిల్ను నిలబెట్టుకున్నాడు. 2024 పారిస్ పారాలింపిక్స్లో ఆయన రజత పతకం గెలిచిన విషయం తెలిసిందే.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇతర పతకాలు
రజత పతకం సాధించిన మహమ్మద్ యాసర్ 15.06 మీటర్ల దూరం బంతిని విసిరి ఈ సీజన్లో తన అత్యుత్తమ ప్రదర్శన నమోదు చేశాడు. ప్రవీణ్ 14.94 మీటర్లతో కాంస్య పతకాన్ని దక్కించుకున్నాడు. ఈ ముగ్గురి ప్రదర్శనతో భారత జాతీయ పతాకం పోడియంపై మూడు స్థానాల్లోనూ రెపరెపలాడింది.
