బతుకమ్మ వేడుకలకు పకడ్బందీ ఏర్పాట్లు: కామారెడ్డి మున్సిపల్ చైర్పర్సన్ ఆదేశాలు

బతుకమ్మ ఘాట్ల వద్ద నిరంతర విద్యుత్ సరఫరా, తాగునీటి సదుపాయం, తగిన లైటింగ్ ఏర్పాటు చేయాలని ఆదేశించారు. పారిశుధ్యం, విద్యుత్ మరమ్మతు పనులను త్వరితగతిన పూర్తి చేయాలని, ఘాట్ పరిసరాలను పరిశుభ్రంగా ఉంచడంతోపాటు చెత్తాచెదారాన్ని ఎప్పటికప్పుడు తొలగించాలని పారిశుధ్య సిబ్బందికి సూచించారు.

భద్రతా చర్యలు

మహిళల భద్రతకు ప్రాధాన్యత ఇవ్వాలని, నిమజ్జన సమయంలో ఎలాంటి ప్రమాదాలు జరగకుండా లోతైన నీటి ప్రాంతాల వద్ద ముందస్తు రక్షణ చర్యలు చేపట్టాలని స్పష్టం చేశారు. పండుగ సమయంలో మున్సిపల్ అధికారులు, పారిశుధ్య సిబ్బంది అందుబాటులో ఉండి సేవలందించాలని ఆదేశించారు.

మహిళలందరూ బతుకమ్మ పండుగను సురక్షితంగా, సంతోషంగా జరుపుకోవాలని ఆమె ఆకాంక్షించారు. ఈ కార్యక్రమంలో మున్సిపల్ కౌన్సిలర్లు శ్రీధర్ రెడ్డి, నరేందర్ రెడ్డి, డీఈ హన్మంత్ రావు, ఏఈ వేణు, ఆర్వో గోపాల్ రెడ్డి, ఆర్ఐ సాయిలు, రమేష్, ప్రశాంత్, మున్సిపల్ అధికారులు, సిబ్బంది పాల్గొన్నారు.