కడప రిమ్స్ లో కార్మికుల వేతనాల కోత: ఏజెన్సీలపై చర్యలకు ఏఐటీయూసీ డిమాండ్

నియమ నిబంధనలు అడిగిన కార్మికులను అధికారులు, ఏజెన్సీ నిర్వాహకులు అండదండలతో తొలగించడం, బెదిరించడం దుర్మార్గమని బాదుల్లా పేర్కొన్నారు. అంతేకాకుండా కార్మికుల వేతనాల నుంచి కటింగ్ చేసిన పీఎఫ్, ఈఎస్ఐ సక్రమంగా చెల్లించడం లేదని ఆరోపించారు. కార్మికులకు క్యాజువల్ లీవ్స్, పండగలు, జాతీయ పర్వదినాలు వంటి ఎలాంటి సెలవులు లేకపోవడం దారుణమని తెలిపారు.

ఆరోగ్య ఖర్చులపై ఆందోళన

ఇటీవల సెక్యూరిటీ సిబ్బంది ఆరోగ్యాలు సరిగా లేవని ఈఎస్ఐ ఆసుపత్రిలో చూపించుకోవడానికి వెళితే, ఏజెన్సీ నిర్వాహకులు చెల్లించకపోవడం మూలంగా వేల రూపాయలు ఆసుపత్రులకు చెల్లించాల్సి వచ్చిందని, కార్మికుల జీతాల నుంచి కటింగ్ చేసిన డబ్బులు ఎక్కడికి పోయాయని ప్రశ్నించారు. కార్మికుల శ్రమను దోచుకుంటూ పనికి తగిన వేతనం ఇవ్వని యాజమాన్యం పైన చట్టపరమైన చర్యలు తీసుకోవాలని ఆయన కోరారు.

ఆందోళన హెచ్చరిక

తక్షణమే చర్యలు తీసుకోకపోతే జిల్లా వ్యాప్తంగా ఆందోళన కార్యక్రమాలు చేపడతామని ఏఐటీయూసీ హెచ్చరించింది. ఈ విలేకరుల సమావేశంలో ఏఐటీయూసీ జిల్లా నాయకులు మల్లికార్జున రెడ్డి, నగర కార్యదర్శి ఉద్దె మద్దిలేటి, వర్కింగ్ ప్రెసిడెంట్ పి సుబ్బరాయుడు లు పాల్గొన్నారు.