అమెరికాలో ఘనంగా గణేష్ ఉత్సవాలు: 3116కు వేలమైన లడ్డూ

ప్రతిరోజూ ఉదయం గణపతి పూజా కార్యక్రమాలు, సాయంత్రం సాంస్కృతిక కార్యక్రమాలతో ఆ ప్రాంగణం భక్తి పారవశ్యంతో నిండిపోయింది. భక్తులు తమ ఇళ్ల నుంచి స్వయంగా ప్రసాదాలను తయారుచేసి పంపిణీ చేయడం విశేషంగా నిలిచింది. ప్రతిరోజూ పెద్దసంఖ్యలో భక్తులు ఈ వేడుకల్లో పాల్గొన్నారు.

లడ్డూ వేలంలో ఉత్కంఠ

ఉత్సవాల చివరి రోజున నిర్వహించిన 16 పౌండ్ల గణపతి లడ్డూ వేలం ప్రత్యేక ఆకర్షణగా నిలిచింది. భక్తుల మధ్య ఉత్కంఠభరితంగా సాగిన ఈ వేలం పాటలో లడ్డూను 3,116 డాలర్లకు (సుమారు రూ. 3.10 లక్షలు) పోట్ల చెరువు రవికుమార్ దక్కించుకున్నారు. అనంతరం వేలంలో పాల్గొన్న భక్తులందరూ ఐక్యంగా ఆ లడ్డూను మహా ప్రసాదంగా స్వీకరించి, పంపిణీ చేసుకున్నారు.

చివరి రోజు సాయంత్రం గణపతి నిమజ్జన కార్యక్రమాన్ని అత్యంత ఘనంగా నిర్వహించారు.

ముఖ్య అతిథులు, నిర్వాహకులు

ఈ కార్యక్రమానికి గణపతి కమిటీ అధ్యక్షుడు () వల్లూరు గణేష్, అట్లాంటాకు చెందిన అనూష వంగర ముఖ్య అతిథులుగా హాజరయ్యారు. కోశాధికారిగా పోట్ల చెరువు రవికుమార్ వ్యవహరించారు. ఈ వేడుకల్లో మతంశెట్టి రమేష్, గోరంట్ల కోటేశ్వరరావు, మలిశెట్టి రాజా మహేష్ కుమార్ గౌడ్, శ్రావణ్ కుమార్, పేట వెంకట శివరాత్రి, మద్దినేని మహేష్, భీమా యశ్వంతరావు, సంగరాజ్ రవితేజ, కోటేశ్వరరావు తదితరులు పాల్గొన్నారు.

సాంస్కృతిక కార్యక్రమాలను గోరంట్ల స్రవంతి ఆధ్వర్యంలో నిర్వహించగా, మాస్టర్ వరలక్ష్మి డాన్స్ కొరియోగ్రాఫర్గా వ్యవహరించారు. మేనేజ్మెంట్ సభ్యులుగా గాయత్రి వల్లరి, స్నేహ పోట్లచెరువు, రమ్య భీమా, మౌనిక, శిరీష తదితరులు కార్యక్రమ నిర్వహణలో కీలక పాత్ర పోషించారు. రంగాచారి పూజా కార్యక్రమాలను నిర్వహించారు.

ఈ ఉత్సవాల్లో సీనియర్ జర్నలిస్ట్, ఇండియన్ జర్నలిస్ట్స్ యూనియన్ మాజీ నేషనల్ కౌన్సిల్ సభ్యులు మలిశెట్టి సుబ్బారాయుడు పాల్గొన్నారు.

భారతీయ సంస్కృతి, సంప్రదాయాలను అమెరికా గడ్డపై చాటుతూ భక్తి, ఐక్యత, సాంస్కృతిక వైభవానికి ప్రతీకగా ఈ గణేష్ ఉత్సవాలు నిలిచాయని ఈ సందర్భంగా నిర్వాహకులు తెలిపారు.