కిసాన్ నగర్ లో మహిళల రంగవల్లిక కార్యక్రమం: విజేతలకు బహుమతులు

మండలంలోని కిసాన్ నగర్ గ్రామంలో పద్మశాలి గణేష్ మండపం వద్ద మహిళల రంగవల్లిక కార్యక్రమం ఘనంగా జరిగింది. ఈ కార్యక్రమంలో మహిళలు ఉత్సాహంగా పాల్గొని తమ ప్రతిభను చాటుకున్నారు.

పద్మశాలి గణేష్ మండపం ఆధ్వర్యంలో నిర్వహించిన ఈ రంగవల్లిక కార్యక్రమంలో మహిళలు తమ సృజనాత్మకతను ప్రదర్శించారు. రంగురంగుల ముగ్గులతో మండపం పరిసరాలను అందంగా తీర్చిదిద్దారు. ఈ కార్యక్రమం మహిళలను ఎంతగానో అలరించింది. ఈ రంగవల్లిక పోటీలకు న్యాయ నిర్ణేతలుగా సుమలత, లహరి వ్యవహరించారు. పోటీలలో పాల్గొన్న మహిళలకు బహుమతులు అందజేశారు. మొదటి బహుమతిని గుండుక సుకన్య, రెండవ బహుమతి దీకొండ లావణ్య, మూడవ బహుమతి అల్వాల రేణుక గెలుచుకున్నారు. ఈ కార్యక్రమానికి సంఘం అధ్యక్షుడు మ్యాక నరేందర్, ఉపాధ్యక్షుడు చిలువేరీ మోహన్, ప్రధాన కార్యదర్శి జిందం రాజు, సలహాదారుడు శివకుమార్ తో పాటు పలువురు సభ్యులు హాజరయ్యారు. వారు విజేతలను అభినందించారు.