ప్రేమ పేరుతో రూ.40 లక్షల రూపాయలు మోసం..

డిస్ట్రిక్ట్ బ్యూరో ఇంచార్జ్ కడప: సెప్టెంబర్(9): అన్నమయ్య జిల్లాలో ప్రేమ పేరుతో దగ్గరైన యువకుడిని పూర్తిగా నమ్మిన ఓ సాఫ్ట్‌వేర్ ఇంజనీర్‌ యువతికి చేదు అనుభవం ఎదురైంది. ప్రియుడి అవసరాల కోసం సుమారు రూ.40 లక్షలు ఆర్థికంగా సహాయం చేయడంతో పాటు, అతడి కోసం సొంత డబ్బులతో కారు కూడా కొనిచ్చినట్లు సమాచారం. అయితే నగదు, కారు తీసుకున్న తర్వాత యువకుడు ఆమెను దూరం పెట్టడం ప్రారంభించినట్లు బాధితురాలు ఆరోపించింది. ఇదిలా ఉండగా, అతడు రహస్యంగా మరో మహిళతో నిశ్చితార్థం చేసుకుని పెళ్లికి సిద్ధమవుతున్న విషయం యువతికి తెలిసింది. తనను ప్రేమ పేరుతో నమ్మించి మోసం చేశాడని తెలుసుకున్న ఆమె తీవ్ర మనస్తాపానికి గురైంది. ఈ క్రమంలో ఆత్మహత్యాయత్నానికి పాల్పడినట్లు సమాచారం. కుటుంబ సభ్యులు వెంటనే ఆమెను ఆస్పత్రికి తరలించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు. నగదు, కారు వ్యవహారంతో పాటు యువకుడి పాత్రపై విచారణ కొనసాగుతోంది.