బెంగళూరులో బీఎంటీసీ బస్సులో ప్రయాణిస్తున్న 78 ఏళ్ల వృద్ధుడి మొబైల్ ఫోన్ చోరీకి గురైంది. ఆ ఫోన్కు పాస్వర్డ్ లేకపోవడంతో దుండగులు యూపీఐ ద్వారా ఆయన బ్యాంకు ఖాతా నుంచి రూ.61 వేలు బదిలీ చేసినట్లు పోలీసులకు ఫిర్యాదు అందింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
బెంగళూరులో జరిగిన మొబైల్ ఫోన్ చోరీ మరో ఆర్థిక మోసానికి దారితీసింది. బీఎంటీసీ బస్సులో ప్రయాణిస్తున్న 78 ఏళ్ల వృద్ధుడి ఫోన్ను దొంగిలించిన గుర్తుతెలియని వ్యక్తులు, ఆ ఫోన్ ద్వారా యూపీఐ లావాదేవీలు జరిపి ఆయన బ్యాంకు ఖాతా నుంచి రూ.61 వేలు కాజేసినట్లు ఆరోపణలు ఉన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పోలీసుల వివరాల ప్రకారం.. పరప్పన అగ్రహారకు చెందిన రామప్ప తన మనవరాలితో కలిసి సిద్ధాపురంలోని ఇందిరాగాంధీ ఆసుపత్రికి బయలుదేరారు. ఉదయం సుమారు 9.30 గంటలకు హోసా రోడ్ బస్స్టాప్లో బీఎంటీసీ బస్సు ఎక్కారు. ఈ సమయంలో ఆయన చొక్కా పై జేబులో ఉంచుకున్న మొబైల్ ఫోన్ కనిపించకుండా పోయింది.
