పశ్చిమ బెంగాల్లోని దక్షిణ జిల్లాలో దారుణం చోటుచేసుకుంది. కుటుంబ కలహాల నేపథ్యంలో భార్యను హత్య చేసిన ఓ వ్యక్తి, ఆమె తలను తీసుకుని స్థానిక ఆలయానికి వెళ్లి ప్రార్థనలు చేయడం కలకలం రేపింది. పోలీసులు నిందితుడిని అదుపులోకి తీసుకున్నారు.
దక్షిణ జిల్లాలోని గంగారాంపూర్ పట్టణం నారాయణ్పూర్ ప్రాంతంలో బుధవారం తెల్లవారుజామున ఈ ఘటన జరిగింది. రింటూ సర్కార్ (46) తన భార్య సీమా సర్కార్ (42)తో గొడవపడి, పదునైన ఆయుధంతో ఆమెను హత్య చేసినట్లు ప్రాథమిక సమాచారం. అనంతరం ఆమె తలను తీసుకుని స్థానిక ఆలయానికి వెళ్లినట్లు తెలుస్తోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఉదయం ఆలయ ప్రాంగణంలో భార్య తలతో కూర్చున్న అతడిని చూసిన స్థానికులు భయాందోళనకు గురయ్యారు. వెంటనే పోలీసులకు సమాచారం అందించారు. ఘటనా స్థలానికి చేరుకున్న గంగారాంపూర్ పోలీసులు నిందితుడిని అదుపులోకి తీసుకున్నారు. మహిళ మృతదేహాన్ని పోస్టుమార్టం నిమిత్తం ఆసుపత్రికి తరలించారు. హత్యకు ఉపయోగించిన ఆయుధం కోసం పోలీసులు దర్యాప్తు చేపట్టారు.
