వివరాలతో బెదిరింపులు.. డబ్బుల వసూళ్లు.. ఆత్మహత్యకు ప్రేరేపణ కేసులో ఇద్దరి అరెస్ట్

కేసు వివరాలు

కామారెడ్డి పట్టణ పోలీస్ స్టేషన్ క్రైం నం.693/2024లో నమోదైన చేపూరి శిరీష ఆత్మహత్య కేసు దర్యాప్తులో కీలక విషయాలు వెలుగులోకి వచ్చినట్లు పట్టణ ఎస్హెచ్ఓ నరహరి తెలిపారు. ప్రభుత్వ ఉద్యోగం, జీతం, సర్వీస్కు సంబంధించిన వివరాలను ద్వారా సేకరించి, ఉద్యోగం కోల్పోయేలా చేస్తామని బెదిరిస్తూ డబ్బులు డిమాండ్ చేసి మానసికంగా వేధించినట్లు ఆధారాలు లభించాయని చెప్పారు. దీంతో కేసును ఆత్మహత్యకు ప్రేరేపణ కోణంలో విచారిస్తున్నట్లు వెల్లడించారు.

నిందితుల అరెస్ట్

ఈ కేసులో 2 ఇందూరి సిద్దా గౌడ్, 3 లాండే భాస్కర్లను ఆగస్టు 13న కామారెడ్డి ప్రాంతంలో అదుపులోకి తీసుకుని విచారించగా, నేరానికి సంబంధించిన కీలక విషయాలను వెల్లడించినట్లు పోలీసులు తెలిపారు. అనంతరం వారిని కామారెడ్డి గౌరవ న్యాయస్థానంలో హాజరుపరిచారు.

నిందితుల పద్ధతులు

దర్యాప్తులో నిందితులు తమను ప్రెస్ రిపోర్టర్లుగా పరిచయం చేసుకుంటూ ప్రభుత్వ ఉద్యోగులు, వ్యాపారులు, రియల్ ఎస్టేట్ రంగానికి చెందిన వ్యక్తులను లక్ష్యంగా చేసుకున్నట్లు తేలింది. ప్రతికూల వార్తలు ప్రచురిస్తామని, అధికారులకు ఫిర్యాదులు చేసి ఉద్యోగాలు పోయేలా చేస్తామని బెదిరించి డబ్బులు వసూలు చేసినట్లు పోలీసులు వెల్లడించారు.

గతంలోనూ కేసులు

ఇలాంటి బెదిరింపులు, డబ్బుల వసూళ్లకు సంబంధించి కామారెడ్డి, యల్లారెడ్డి, దోమకొండ, గాంధారి, దేవునిపల్లి పోలీస్ స్టేషన్లలో గతంలోనూ పలు కేసులు నమోదైనట్లు దర్యాప్తులో గుర్తించారు. ప్రస్తుత కేసులో కూడా ఇదే తరహాలో మృతురాలిపై ఒత్తిడి, బెదిరింపులు, మానసిక వేధింపులకు పాల్పడినట్లు విచారణలో వెల్లడైందని ఎస్హెచ్ఓ నరహరి తెలిపారు.