హీరో వెంకటేష్, దర్శకుడు త్రివిక్రమ్ శ్రీనివాస్ కాంబినేషన్లో వచ్చిన తొలి చిత్రం ఆదర్శ కుటుంబం. కుటుంబ భావోద్వేగాలకు యాక్షన్, క్రైమ్ మిస్టరీ అంశాలను జోడించి రూపొందించిన ఈ సినిమా ప్రేక్షకులను ఎంతవరకు ఆకట్టుకుందో చూద్దాం. కథలో మొదటి భాగం ఆకట్టుకున్నా, రెండో భాగం ఊహించదగిన మలుపులతో సాగింది.
కథేంటంటే చిట్టిబాబు (వెంకటేష్) ఓ సాధారణ మధ్యతరగతి ప్రైవేట్ ఉద్యోగి. భార్య స్వర్ణ (శ్రీనిధి శెట్టి) చిట్ఫండ్స్ వ్యాపారంలో నష్టపోయి కుటుంబాన్ని అప్పులపాలు చేస్తుంది. కొడుకు సర్వ (ప్రజ్వల్) గుండెలో రంధ్రంతో బాధపడుతుంటాడు. కూతురు సంపూర్ణ (యువీనా) కాలేజీలో చదువుకుంటూ ఓ మెకానిక్తో ప్రేమలో ఉంటుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఇలా కుటుంబ సమస్యలతో సతమతమవుతున్న చిట్టిబాబుకు అనూహ్యంగా రూ.100 కోట్ల లాటరీ తగులుతుంది. దీంతో అద్దె ఇంట్లో ఉంటున్న ఆ కుటుంబం ఖరీదైన గేటెడ్ కమ్యూనిటీలోని విల్లాకు మారుతుంది. లగ్జరీ కారును కూడా కొనుగోలు చేస్తుంది. అయితే ధనవంతుల కుటుంబాలను లక్ష్యంగా చేసుకుని దోపిడీలకు పాల్పడే బీహార్కు చెందిన ఓ ముఠా చిట్టిబాబు కుటుంబంపై కన్నేస్తుంది. ఆ ముఠా నుంచి తన కుటుంబాన్ని చిట్టిబాబు ఎలా కాపాడుకున్నాడు పోలీస్ అధికారి దామోదర్ నాయుడు (నారా రోహిత్) ఈ వ్యవహారంలో ఎలా సహాయపడ్డాడు డీఎస్పీ బృహస్పతి రావు (రావు రమేష్) పాత్ర ఏమిటి అన్నదే మిగతా కథ.
