విధి నిర్వహణలో దాడిని ఎదుర్కొన్నప్పటికీ సంయమనం పాటించిన మహిళా కేంద్ర రిజర్వ్ పోలీసు దళం (సీఆర్పీఎఫ్) సిబ్బందిని ఆ దళం డైరెక్టర్ జనరల్ జీపీ సింగ్ ప్రశంసించారు. ఢిల్లీలోని కనాట్ ప్లేస్లో జరిగిన ఒక నిరసన కార్యక్రమంలో మహిళా నిరసనకారురాలు సీఆర్పీఎఫ్ సిబ్బందిపై చేయి చేసుకున్నట్లు ఆరోపణలు రావడంతో ఈ ఘటన చర్చనీయాంశమైంది.
ఢిల్లీలోని కనాట్ ప్లేస్ ప్రాంతంలో న కాక్రోచ్ జనతా పార్టీ (సీజేపీ) నిర్వహించిన లెహ్రా దో తిరంగా మార్చ్ సందర్భంగా ఈ ఘటన చోటుచేసుకుంది. ఎన్నికల ప్రధాన కమిషనర్ జ్ఞానేశ్ కుమార్ రాజీనామా చేయాలని డిమాండ్ చేస్తూ పార్టీ ఈ నిరసన చేపట్టింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ కార్యక్రమంలో విధుల్లో ఉన్న మహిళా సీఆర్పీఎఫ్ సిబ్బందితో ఓ మహిళా నిరసనకారురాలు వాగ్వాదానికి దిగినట్లు, అనంతరం ఆమె చెంపదెబ్బ కొట్టినట్లు సామాజిక మాధ్యమాల్లో వీడియో ప్రచారంలోకి వచ్చింది. ఈ ఘటనపై ఢిల్లీ పోలీసులు కేసు నమోదు చేసి, సంబంధిత మహిళను గుర్తించే ప్రయత్నం చేస్తున్నారు.
