క్వాంటం భౌతికశాస్త్రంలో బెంగళూరు రామన్ రీసెర్చ్ ఇన్స్టిట్యూట్ () శాస్త్రవేత్తలు అరుదైన ప్రయోగం చేశారు. సాధారణ సంభావ్యత నియమానికి భిన్నంగా, క్వాంటం కొలతలో 1.17 విలువను నమోదు చేశారు. ఇది కాంతి ప్రయాణంలోని క్వాంటం ప్రభావాలపై కొత్త అవగాహనను అందిస్తుంది.
సాధారణంగా ఒక సంఘటన జరిగే అవకాశం 0 నుంచి 1 మధ్య ఉంటుంది, అంటే గరిష్ఠంగా 100 శాతం మాత్రమే. అయితే క్వాంటం భౌతికశాస్త్రంలో కాంతి తరంగాలు ఒకదానితో మరొకటి కలిసినప్పుడు ఏర్పడే ఇంటర్ఫెరెన్స్ ప్రభావం కారణంగా, పరిశోధకులు అధ్యయనం చేసిన ప్రత్యేకమైన క్వాంటం మెజర్ విలువ 1 కంటే ఎక్కువగా ఉండవచ్చు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ ప్రయోగంలో శాస్త్రవేత్తలు లేజర్ కాంతిని పలు మార్గాల్లో ప్రయాణించేలా చేసి, ప్రత్యేక ఆప్టికల్ పరికరాల సాయంతో ఆ మార్గాలను గుర్తించారు. అనంతరం కాంతి తరంగాలు పరస్పరం కలిసే విధానాన్ని విశ్లేషించి క్వాంటం మెజర్ను లెక్కించారు. ఈ విధంగా సుమారు 1.17 విలువను నమోదు చేశారు. సిద్ధాంతపరంగా అంచనా వేసిన 1.18 విలువకు ఇది చాలా దగ్గరగా ఉంది.
