కడప: ప్రభుత్వ భూమి వివాదంలో దళితులపై అగ్రవర్ణాల దాడి - తీవ్ర గాయాలు

టీడీపీ నేత కబ్జా యత్నం

గ్రామానికి చెందిన 15 సెంట్ల విలువైన ప్రభుత్వ ఖాళీ స్థలంపై కన్నేసిన టీడీపీ నేత నల్లగొండు సుబ్బారెడ్డి, దానిని చదును చేయడం ప్రారంభించారు. గ్రామానికి వాటర్ ప్లాంట్ కోసమే స్థలాన్ని కేటాయిస్తున్నామని నమ్మబలికిన ఆయన, ఆ తర్వాత రాత్రికి రాత్రే కాంపౌండ్ వాల్ నిర్మించి రేకుల షెడ్డు వేశారు.

ప్రశ్నించిన బాధితులపై దాడి

దీనిపై బాధితుడు బల్లి శేఖర్ సహా గ్రామస్తులు ప్రశ్నించగా, వాటర్ ప్లాంట్ కాకపోతే ఇల్లు కట్టుకుంటా అని తీవ్ర బెదిరింపులకు దిగారు. ఆక్రమణను నిరోధించేందుకు గ్రామస్తులంతా కలిసి అధికారులకు ఫిర్యాదు చేసేందుకు సంతకాల సేకరణ చేపట్టారు. ఈ విషయం తెలిసిన సుబ్బారెడ్డి, తీవ్ర ఆగ్రహంతో తన మద్దతుదారులతో కలిసి రాత్రి వేళ ఎస్సీ కాలనీలోని బల్లి శేఖర్ ఇంటిపైకి వెళ్లారని బాధితుడు తెలిపారు.

కులం పేరుతో దూషణలు, భౌతిక దాడి

శేఖర్ను కులం పేరుతో తీవ్రంగా దూషిస్తూ భౌతిక దాడికి పాల్పడ్డారని బాధితుడు ఆరోపించారు. తనపై దాడి చేసిన టీడీపీ నేత సుబ్బారెడ్డి, ఆయన అనుచరులపై కఠినమైన చట్టపరమైన చర్యలు తీసుకుని, తమకు రక్షణతో పాటు న్యాయం చేయాలని బాధితుడు అధికారులను వేడుకుంటున్నారు. ప్రభుత్వ భూమిని కాపాడాలని రాచగుడిపల్లి గ్రామస్తులు డిమాండ్ చేస్తున్నారు.