బాల్కొండలో చాకలి ఐలమ్మ 131వ జయంతి: రైతాంగ పోరాట యోధురాలికి నివాళులు

జాగీర్దార్లు రైతుల భూములను అక్రమంగా లాక్కోవడం, అధిక పన్నులు విధించడం, వెట్టిచాకిరి చేయించుకోవడం వంటి అణచివేతలకు ఐలమ్మ ధైర్యంగా ఎదురు నిలిచారు. తనకున్న భూమిని జమీందార్లకు అప్పగించకుండా నిరాకరించి, దానిని కాపాడుకున్నారు.

ఆమె ధైర్యం, అచంచలమైన సంకల్పం స్ఫూర్తితో అనేక గ్రామాల్లోని రైతులు దొరల అణచివేతకు ఎదురు నిలవడానికి ప్రేరణ పొందారు. చాకలి ఐలమ్మ పోరాటం, మహిళలు కూడా సామాజిక న్యాయం కోసం ముందుండగలరని నిరూపించింది. తెలంగాణ రైతాంగ పోరాటంలో ఆమె పేరు ఒక ప్రతిఘటన చిహ్నంగా నిలిచిపోయింది.

ఈ కార్యక్రమానికి ముఖ్య అతిథులుగా బాల్కొండ మేజర్ గ్రామపంచాయతీ ఉపసర్పంచ్ గాండ్ల రాజేందర్, బాల్కొండ పట్టణ కాంగ్రెస్ పార్టీ అధ్యక్షులు కుందారపు శ్రీనివాస్ హాజరై ఐలమ్మ చిత్రపటానికి పూలమాలలు వేసి, వినమ్ర నివాళులు అర్పించారు.