పెను ప్రమాదం తప్పింది: చెట్టు తొలగింపులో 9 విద్యుత్ స్తంభాలు కూలిపోయాయి

చెట్టు తొలగించే క్రమంలో కొమ్మలు విద్యుత్ వైర్లపై పడటంతో ఒక్కసారిగా 9 విద్యుత్ స్తంభాలు విరిగిపోయాయి. స్తంభాలు, చెట్టు కూలే సమయంలో ఆ ప్రాంతంలో జనాలు లేకపోవడంతో ఎలాంటి ప్రాణనష్టం జరగలేదు. లేకపోతే పెద్ద ప్రమాదం జరిగి ఉండేదని గ్రామస్థులు తెలిపారు.

ఈ ఘటనతో గ్రామంలో విద్యుత్ సరఫరా నిలిచిపోయింది. విద్యుత్ సరఫరాను వెంటనే పునరుద్ధరించాలని గ్రామస్థులు కోరుతున్నారు.

అధికారులు స్పందించి విరిగిన స్తంభాల స్థానంలో కొత్త స్తంభాలు ఏర్పాటు చేసి విద్యుత్ సరఫరాను పునరుద్ధరించాలని విజ్ఞప్తి చేస్తున్నారు.