మంచిర్యాలలో అటవీ సంరక్షణ, గిరిజనుల జీవనోపాధి, మానవవన్యప్రాణుల మధ్య ఘర్షణలను తగ్గించే అంశాలపై రెండు రోజుల సదస్సు జరిగింది. ఈ సదస్సుకు అటవీ శాఖ, గిరిజన సంక్షేమ శాఖ అధికారులు, స్వచ్ఛంద సంస్థల ప్రతినిధులు హాజరై భవిష్యత్ కార్యాచరణపై చర్చించారు.
సదస్సు ముగింపు జిల్లా కలెక్టర్ కుమార్ దీపక్ ముఖ్య అతిథిగా హాజరయ్యారు. అడవులు, వన్యప్రాణులను సమర్థంగా సంరక్షించాలంటే వాటిపై ఆధారపడే వర్గాలకు మెరుగైన ఆర్థిక అవకాశాలు కల్పించాల్సిన అవసరం ఉందని ఆయన పేర్కొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
అటవీ ఉత్పత్తులకు విలువ జోడించేలా ప్రాసెసింగ్ కేంద్రాలను ఏర్పాటు చేయాలని, ప్రభుత్వ పథకాల ద్వారా గిరిజనులకు మరిన్ని ఆదాయ మార్గాలను కల్పించాలని అధికారులు సూచించారు. చిన్న అటవీ ఉత్పత్తులను ప్రాసెస్ చేసి మార్కెట్కు అందించడం ద్వారా గిరిజన కుటుంబాలకు అదనపు ఆదాయం వచ్చే అవకాశాలపై సదస్సులో చర్చ జరిగింది.
